પંજાબના મુખ્યમંત્રી AAPના ધારાસભ્યોને લઇને દિલ્હી પહોંચ્યા, કેજરીવાલને મળશે

દિલ્હીમાં આમ આદમી પાર્ટીની હાર બાદ અરવિંદ કેજરીવાલે પંજાબના ધારાસભ્યોને દિલ્હી બોલાવ્યા છે. દિલ્હીમાં હાર બાદ પંજાબમાં રાજકીય ઉથલપાથલ જોવા મળી રહી છે. પંજાબના મુખ્યમંત્રી ભગવંત માન તમામ ધારાસભ્યોને લઇને દિલ્હી પહોંચ્યા છે.

GSTVની એપ્લિકેશન ડાઉનલોડ કરો

   

https://twitter.com/ANI/status/1889158316313681932

કેજરીવાલે બેઠક બોલાવી

આ પણ વાંચો :

દિલ્હીમાં તૂટી ગઈ કેજરી'વોલ', જાણો AAPની હારના 5 મોટા કારણો

‘ભગવંત માનને મુખ્યમંત્રી પદ પરથી હટાવવાની તૈયારી કરી રહી છે AAP’, કોંગ્રેસનો મોટો દાવો

આમ આદમી પાર્ટીના રાષ્ટ્રીય સંયોજક અરવિંદ કેજરીવાલે પંજાબના મંત્રીઓ અને ધારાસભ્યોની દિલ્હીમાં બેઠક બોલાવી છે. મુખ્યમંત્રી ભગવંત માન પણ બેઠકમાં સામેલ થશે. કોંગ્રેસના દાવા બાદ આ બેઠક મહત્ત્વપૂર્ણ માનવામાં આવી રહી છે. દિલ્હીમાં તાજેતરમાં થયેલી ચૂંટણીમાં AAPની હાર બાદ પંજાબમાં પાર્ટીની સ્થિતિ પર પણ ચર્ચા થવાની સંભાવના છે.

પંજાબ કેબિનેટની બેઠક જે છઠ્ઠી ફેબ્રુઆરીએ યોજાવાની હતી તે પહેલા 10મી ફેબ્રુઆરી સુધી મુલતવી રાખવામાં આવી હતી. પરંતુ બાદમાં તેને 13મી ફેબ્રુઆરી સુધી મુલતવી રાખવામાં આવી હતી. એવું કહેવામાં આવી રહ્યું છે કે દિલ્હી ગુમાવ્યા બાદ પાર્ટી નેતૃત્વનું ધ્યાન હવે પંજાબ પર છે. એવી શક્યતાઓ છે કે કેજરીવાલ ધારાસભ્યો સાથે મતદારો સાથે જોડાવા વિશે વાત કરી શકે છે.

પંજાબમાં વહેલી ચૂંટણીનો દાવો

ગુરદાસપુરના કોંગ્રેસના સાંસદ સુખજિંદર સિંહ રંધાવાએ પંજાબમાં મધ્યસત્ર ચૂંટણીની શક્યતા વ્યક્ત કરી છે. તેમણે જણાવ્યું હતું કે, 'પંજાબ મધ્યસત્ર ચૂંટણી માટે તૈયાર રહે. પંજાબમાં AAP ધારાસભ્યોનું જૂથ વિખેરાઈ જશે. તેમના પક્ષના ઓછામાં ઓછા 35 ધારાસભ્યો પક્ષ બદલવા માટે તૈયાર છે. દિલ્હીના પરિણામો પંજાબમાં AAP દ્વારા કરવામાં આવેલા ભ્રષ્ટાચારનો પણ પર્દાફાશ કરશે, જે આ વર્ષે ડાંગરની ખરીદીમાં દારૂ કૌભાંડ અને લઘુત્તમ ટેકાના ભાવ (MSP) કૌભાંડના રૂપમાં સામે આવ્યો હતો. હવે બધું ખુલ્લેઆમ બહાર આવશે.'