Last Update :
23 May 2025
RCB એ IPL 2025ના પ્લેઓફમાં સ્થાન મેળવી લીધું છે. રજત પાટીદારની કેપ્ટનશિપમાં, આ સિઝનમાં રોયલ ચેલેન્જર્સ બેંગલુરુનું પ્રદર્શન અદ્ભુત રહ્યું છે. જોકે, પ્લેઓફ પહેલા કેટલાક ખેલાડીઓ RCB ટીમ છોડીને ઘરે પરત ફરશે. એવું માનવામાં આવતું હતું કે આનાથી ટીમના પ્રદર્શન પર પણ અસર પડી શકે છે. આ દરમિયાન, RCB ફેન્સ અને ટીમ મેનેજમેન્ટ માટે સારા સમાચાર આવી રહ્યા છે. IPLની 18મી સિઝનમાં RCB માટે સૌથી વધુ વિકેટ લેનાર બોલર જોશ હેઝલવુડ પ્લેઓફ મેચો માટે ટીમમાં જોડાઈ શકે છે.
GSTVની એપ્લિકેશન ડાઉનલોડ કરો
RCB માટે સારા સમાચાર
પ્લેઓફ પહેલા RCB માટે રાહતના સમાચાર છે. પ્લેઓફ માટે જોશ હેઝલવુડ ઉપલબ્ધ રહી શકે છે, જેણે IPL 2025માં રમેલી 10 મેચમાં 18 વિકેટ લીધી છે. એક અહેવાલ અનુસાર, હેઝલવુડ તેની ઈજામાંથી સ્વસ્થ થઈ શકે છે અને RCB માટે પ્લેઓફ મેચમાં રમી શકે છે. નોંધનીય છે કે હેઝલવુડ ખભાની ઈજાને કારણે ઓસ્ટ્રેલિયા પાછો ફર્યો હતો અને એવું માનવામાં આવી રહ્યું હતું કે તે આ સિઝનમાં હવે RCB તરફથી રમતો નહીં જોવા મળશે. જોકે, હેઝલવુડનું રિહેબ ચાલુ છે અને તે ટૂંક સમયમાં ભારત પરત ફરી શકે છે. જોકે, હેઝલવુડની વાપસી અંગે હજુ સુધી કોઈ સત્તાવાર નિવેદન જારી નથી કરવામાં આવ્યું.
https://twitter.com/RcbianOfficial/status/1925859962015588663
RCB ટોપ 2માં સ્થાન મેળવવા માંગશે
RCB એ IPL 2025માં અત્યાર સુધીમાં કુલ 12 મેચ રમી છે. જેમાંથી ટીમે 8 મેચ જીતી છે, જ્યારે 3 મેચમાં તેને હારનો સામનો કરવો પડ્યો છે. RCBને પ્લેઓફની ટિકિટ મળી ગઈ છે. જોકે, ટીમ હવે ટોપ 2માં સ્થાન મેળવવા પર નજર રાખશે. જો બેંગલુરુની ટીમ તેની બાકીની બંને મેચ જીતવામાં સફળ રહે છે, તો ટીમનું પ્રથમ ક્વોલિફાયરમાં રમવાનું સ્વપ્ન પૂરું થશે. RCBના આ બે મુકાબલા સનરાઈઝર્સ હૈદરાબાદ (SRH) અને લખનૌ સુપર જાયન્ટ્સ (LSG) સામે થશે.
