Last Update :
15 Feb 2025
આજકાલ મેકઅપનો ટ્રેન્ડ ઘણો વધી ગયો છે. આવી સ્થિતિમાં, લોકો મેકઅપ લગાવવા વિશે તો જાણે છે, પરંતુ મોટાભાગના લોકો તેને કેવી રીતે રિમૂવ કરવો તે અંગે નથી જાણતા. ત્વચાના સ્વાસ્થ્ય માટે મેકઅપ યોગ્ય રીતે રિમૂવ કરવો ખૂબ જ મહત્ત્વપૂર્ણ છે. જો મેકઅપ યોગ્ય રીતે રિમૂવ ન કરવામાં આવે તો, તે ત્વચાના પોર્સને બંધ કરી શકે છે અને ત્વચા પર ડાઘ, ખીલ અથવા કરચલીઓનું કારણ બની શકે છે.
GSTVની એપ્લિકેશન ડાઉનલોડ કરો
ઘણા લોકો મેકઅપ રિમૂવ કરવા માટે બજારમાં ઉપલબ્ધ મોંઘા પ્રોડક્ટ્સનો ઉપયોગ કરે છે. પરંતુ આનાથી તેમની ત્વચા વધુ ખરાબ થાય છે. બજારમાં ઉપલબ્ધ મેકઅપ રિમૂવરમાં કેમિકલ હોય છે, જે ત્વચાને શુષ્ક અને નિર્જીવ બનાવી શકે છે. આવી સ્થિતિમાં, તમને ત્વચાની વધુ સમસ્યાઓ થઈ શકે છે. તેથી, ઘરે બનાવેલા કુદરતી મેકઅપ રિમૂવર ફક્ત મેકઅપ રિમૂવ કરવામાં જ અસરકારક નથી, પરંતુ ત્વચાને પોષણ પણ આપે છે અને તેની કુદરતી ચમક જાળવી રાખે છે. ચાલો તમને આ વિશે જણાવીએ.
ઓલિવ ઓઈલ અને લીંબુ
2 ચમચી ઓલિવ ઓઈલમાં 1 ચમચી લીંબુનો રસ મિક્સ કરીને ચહેરા પર સારી રીતે લગાવો. 5 મિનિટ પછી, કોટન પેડની મદદથી ચહેરો સાફ કરો અને ઠંડા પાણીથી ચહેરો ધોઈ લો. તે કુદરતી મેકઅપ રિમૂવર તરીકે કામ કરે છે અને ત્વચાને નરમ અને ચમકદાર બનાવે છે.
નાળિયેર તેલ અને મધ
નાળિયેર તેલ અને મધનો ઉપયોગ કરીને તમે સરળતાથી મેકઅપ રિમૂવ કરી શકો છો. આ માટે, અડધી ચમચી મધ અને એક ચમચી નારિયેળ તેલ મિક્સ કરીને પેસ્ટ બનાવો. પછી આ પેસ્ટને ચહેરા પર લગાવો, હળવા હાથે માલિશ કરો અને કોટન પેડની મદદથી સાફ કરો. ઠંડા પાણીથી ચહેરો ધોઈ લો.
દહીં અને ચણાનો લોટ
મેકઅપ રિમૂવ કરવા માટે, 1 ચમચી ચણાના લોટને 2 ચમચી દહીંમાં મિક્સ કરીને પેસ્ટ બનાવો. પછી તેને ચહેરા પર 5 મિનિટ માટે લગાવો. હવે હલવા હાથે માલિશ કરો અને હૂંફાળા પાણીથી ચહેરો ધોઈ લો. આનાથી ફક્ત તમારો મેકઅપ જ નહીં રિમૂવર થાય, પરંતુ તમારી ત્વચા પર પણ ચમક આવશે.
ગુલાબજળ અને ગ્લિસરીન
ગુલાબજળ અને ગ્લિસરીનનું મિશ્રણ ચહેરા પર સ્પ્રે કરો અને 5 મિનિટ માટે રહેવા દો. પછી ઠંડા પાણીથી ચહેરો ધોઈ લો. આ મિશ્રણ ત્વચાને સ્વચ્છ અને ચમકદાર બનાવે છે અને મેકઅપ સરળતાથી રિમૂવ કરે છે.
કાકડી અને મધ
કાકડી ત્વચાને હાઇડ્રેટ કરે છે, જ્યારે મધ એન્ટી-બેક્ટેરિયલ ગુણોથી ભરપૂર હોય છે. અડધી કાકડીનો રસ કાઢો. તેમાં 1 ચમચી મધ મિક્સ કરો. તેને ચહેરા પર લગાવો અને ધીમેધીમે મેકઅપ રિમૂવ કરો. આ મિશ્રણ ત્વચાની ઊંડે સુધી સફાઈ કરે છે. ઉપરાંત, આ મિશ્રણ તમને ડાઘ-ધબ્બા ઘટાડીને ચમકતી ત્વચા મેળવવામાં મદદ કરશે.
ખાસ નોંધ: આ સામાન્ય માહિતી છે, વ્યક્તિગત સલાહ નથી. દરેક વ્યક્તિની જરૂરિયાતો અલગ-અલગ હોય છે. કોઈપણ વસ્તુનો ઉપયોગ કરતા પહેલા નિષ્ણાતની સલાહ લો. કોઈપણ વસ્તુના ઉપયોગથી થતા નુકસાન માટે GSTV જવાબદાર રહેશે નહીં.
