Last Update :
25 Oct 2024
થોડા જ દિવસમાં દિવાળીનો તહેવાર આવશે. આ તહેવાર પર દરેક વ્યક્તિ ખૂબ જ સુંદર દેખાવા માંગે છે, અને તે માટે ઘણા દિવસો પહેલા જ તૈયારી શરૂ કરી દે છે. દિવાળીના દિવસે મહિલાઓ પરફેક્ટ લુક મેળવવા માંગે છે, તેથી તે અલગ અલગ પ્રકારના આઉટફિટ ખરીદે છે. પરંતુ કેટલીક મહિલાઓને હેવી આઉટફિટ પહેરવામાં તકલીફ થાય છે. તેથી તેઓ ઈચ્છે છે કે તેઓ સિમ્પલ આઉટફિટમાં જ ટ્રેડિશનલ લુક મેળવી શકે.
આવી સ્થિતિમાં તમે સાદા સૂટ કે કુર્તી સાથે હેવી દુપટ્ટા સ્ટાઇલ કરી શકો છો. આમ કરવાથી તમે સુંદર દેખશો. જો આપણે સ્ટાઇલિશ લુકની વાત કરીએ તો તેના માટે તમને બજારમાં દુપટ્ટાની ઘણી ડિઝાઇન જોવા મળશે. તો આવો આજે અમે તમને દુપટ્ટાની 5 ડિઝાઇન બતાવવાના છીએ. જેને તમે સાદા સૂટ અથવા કુર્તી સેટ સ્ટાઇલ કરી શકો છો.
બાંધણીના દુપટ્ટા
જયપુર અને ગુજરાતમાં પ્રખ્યાત બાંધણી ડિઝાઇન આજકાલ ખૂબ જ ટ્રેન્ડમાં છે. ખાસ કરીને દિવાળી અને નવરાત્રીના અવસર પર આવા રંગબેરંગી દુપટ્ટાઓ ખૂબ જ પસંદ કરવામાં આવે છે. બાંધણી ઉપરાંત, તમે સાદી કુર્તી અથવા સૂટ સાથે લહેરિયા ડિઝાઇનના દુપટ્ટા પણ સ્ટાઇલ કરી શકો છો.
લેસવાળા દુપટ્ટા
તમને લેસમાં સિમ્પલથી લઈને ફેન્સી ડિઝાઇનના દુપટ્ટા જોવા મળશે. આમાં તમે સિમ્પલ-સોબર લુક માટે ગોલ્ડન કલરની ગોટા-પટ્ટી અને ચિકનકારી વર્ક ટ્રાય કરી શકો છો. તમે તેને પેસ્ટલ કલર્સથી લઈને ડાર્ક કલર્સ સુધીમાં સ્ટાઇલ કરી શકો છો.
લટકણવાળા દુપટ્ટા
લટકણવાળા દુપટ્ટા પણ ખૂબ જ પસંદ કરવામાં આવે છે. આમાં, વિવિધ ડિઝાઇન અને કદના પોમ-પોમ લટકણ અથવા પેન્ડન્ટ્સ ખૂબ પસંદ કરવામાં આવે છે. તમે આમાં મલ્ટી કલર દુપટ્ટા પસંદ કરી શકો છો. આમાં તમને પાકિસ્તાની સ્ટાઇલના દુપટ્ટા પન મળશે.
બનારસી સિલ્ક દુપટ્ટા
એવરગ્રીન અને રોયલ લુક માટે સિલ્કમાં બનારસી સ્ટાઈલનો દુપટ્ટો ખૂબ જ પસંદ કરવામાં આવ્યો છે. આમાં તમે ઓરેન્જ, હોટ પિંક, રેડ, મરૂન અને ગ્રીન કલર્સ જેવા બ્રાઈટ કલર્સને સ્ટાઈલ કરી શકો છો.
નેટના દુપટ્ટા
તમને નેટ પર ઘણા પ્રકારના કામ જોવા મળશે. ચિકંકારીથી લઈને સિક્વિન વર્કમાં નેટ ફેબ્રિકના દુપટ્ટા એક અલગ જ લુક આપશે. આ પ્રકારના દુપટ્ટા તમને માર્કેટમાં 300 રૂપિયાથી ઓછી કિંમતમાં મળશે.
 |
 |
 |
 |
|
;)
