Diwali 2024 / દિવાળી પાર્ટી માટે ઝટપટ બનાવી શકો છો આ વાનગીઓ, બજારમાંથી મંગાવવાની જરૂર નહીં પડે

દર વર્ષે દિવાળીનો તહેવાર આસો મહિનાની અમાસના દિવસે ઉજવવામાં આવે છે. આ વર્ષે દિવાળી 31મી ઓક્ટોબરે આવી રહી છે. બજારોમાં દિવાળીનો ઉત્સાહ અત્યારથી દેખાઈ રહ્યો છે. દિવાળીના દિવસે માત્ર પૂજા જ નથી કરવામાં આવતી, પરંતુ ઘણી જગ્યાએ તહેવાર પહેલા દિવાળી પાર્ટીનું આયોજન પણ કરવામાં આવે છે. જો તમે પણ આ દિવસોમાં ઘરે દિવાળી પાર્ટીનું આયોજન કર્યું છે અને મહેમાનને પીરસવા માટેni વાનગીઓને લઈને મૂંઝવણમાં છો, તો તમારી આ મૂંઝવણ દૂર કરવા માટે અમે કેટલાક સરળ અને સ્વાદિષ્ટ વિકલ્પો લાવ્યા છીએ. આ વાનગીઓ તમે ઘરે જ બનાવી શકો છો. તેને બજારમાંથી મંગાવવાની જરૂર નહીં પડે. 

લીલા વટાણાની ટિક્કી

તમે આલુ ટિક્કી તો ઘણી ખાધી છે, પણ શું તમે ક્યારેય લીલા વટાણાની ટિક્કી ચાખી છે? તમને જણાવી દઈએ કે, તેની ગણતરી ખૂબ જ સ્વાદિષ્ટ અને હેલ્ધી સ્નેક્સમાં થાય છે જે બાળકોથી લઈને મોટાઓ સુધી દરેકને પસંદ હોય છે. લીલા વટાણાની ટિક્કી માત્ર સ્વાદિષ્ટ જ નથી હોતી પણ પોષક તત્વોથી પણ ભરપૂર હોય છે. આવી સ્થિતિમાં, તમે દિવાળી પાર્ટીમાં આ ટિક્કી બનાવીને બધાને ખુશ કરી શકો છો.

પોટેટો ચીઝ બોલ્સ

દિવાળીની પાર્ટી હોય કે નાનું ગેટ-ટુગેધર, પોટેટો ચીઝ બોલ્સ થોડી જ મિનિટોમાં તૈયાર થઈ જાય છે અને મહેમાનોને પણ તેનો સ્વાદ પસંદ આવે છે. જો તમે પણ આ વખતે પકોડા કે બ્રેડ રોલ વગેરે સિવાય કંઈક નવું ટ્રાય કરવા માંગતા હોવ તો તમે પોટેટો ચીઝ બોલ્સ બનાવી શકો છો.

વેજીટેબલ મંચુરિયન

જો તમે દિવાળીની પાર્ટીમાં કંઈક અલગ અને ટેસ્ટી સર્વ કરવા માંગો છો, તો વેજીટેબલ મંચુરિયન પણ તમારા માટે ઉત્તમ વિકલ્પ બની શકે છે. તે માત્ર ખાવામાં જ સ્વાદિષ્ટ નથી, પરંતુ તે બનાવવામાં પણ સરળ છે. તમારા મહેમાનોને તાજા શાકભાજીથી બનેલી આ ઈન્ડો-ચાઈનીઝ વાનગી ચોક્કસપણે ભાવશે.

પનીર ટિક્કા

જો તમે દિવાળીની પાર્ટી માટે એવું કંઈક બનાવવા માંગો છો જે બધાને ભાવે, તો પનીર ટિક્કા શ્રેષ્ઠ વિકલ્પ છે. પનીર ટિક્કા બનાવવામાં ખૂબ જ સરળ છે. તમે તેને તમારી પસંદગી મુજબ વધુ અથવા ઓછા મસાલેદાર બનાવી શકો છો અને તેને સલાડ અથવા ચટણી સાથે સર્વ કરી શકો છો.

ઢોકળા

નરમ, સ્પંજી અને સ્વાદિષ્ટ ઢોકળા એ લોકપ્રિય ગુજરાતી વાનગી છે, જે સામાન્ય રીતે નાસ્તા તરીકે ખાવામાં આવે છે. તમે ઈચ્છો તો દિવાળી પાર્ટીમાં મહેમાનોને ઢોકળા સર્વ કરી શકો છો.