Last Update :
28 Apr 2025
રવિવારે વાનખેડે સ્ટેડિયમમાં લખનૌ સુપર જાયન્ટ્સ (LSG) ને મુંબઈ ઈન્ડિયન્સ (MI) સામે 54 રનથી કારમી હારનો સામનો કરવો પડ્યો હતો. આ મેચ બાદ લખનૌના કેપ્ટન રિષભ પંત (Rishabh Pant) ને વધુ એક ઝટકો લાગ્યો છે. BCCIએ પંત પર 24 લાખ રૂપિયાનો દંડ ફટકાર્યો.
GSTVની એપ્લિકેશન ડાઉનલોડ કરો
LSGની ટીમ પર આ દંડ સ્લો ઓવર રેટને કારણે ફટકારવામાં આવ્યો છે, જે આ સિઝનમાં તેની ટીમ દ્વારા બીજુ ઉલ્લંઘન રહ્યું છે. બીજી તરફ LSGની ટીમને છ લાખ રૂપિયા અથવા મેચ ફીના 25 ટકા ચૂકવવા પડશે.
રિષભ પંત પર 24 લાખનો દંડ
ભારતીય ક્રિકેટ કંટ્રોલ બોર્ડ (BCCI) એ રવિવારે LSGના કેપ્ટન રિષભ પંતને સ્લો ઓવર રેટ માટે 24 લાખ રૂપિયાનો દંડ ફટકાર્યો છે. વાનખેડેમાં MI સામે રમાયેલી મેચમાં LSGને 54 રનથી કારમી હારનો સામનો કરવો પડ્યો હતો. આ મેચ બાદ LSGની ટીમ 10માંથી પાંચ મેચ જીતીને માઈન્સ 0.325ની નેટ રન રેટ સાથે પોઈન્ટ્સ ટેબલમાં છઠ્ઠા સ્થાન પર છે.
MI સામેની હાર બાદ IPLએ એક નિવેદન જાહેર કરીને પંત પર દંડની માહિતી આપી હતી. જેમાં કહેવામાં આવ્યું હતું કે, "સ્ટાર વિકેટકીપર બેટ્સમેનને સ્લો ઓવર રેટને કારણે બીજી વખત દંડ ફટકારવામાં આવ્યો છે. બીજી તરફ તેની ટીમને છ લાખ રૂપિયા અથવા મેચ ફીના 25 ટકા ચૂકવવા પડશે."
IPLએ પોતાના નિવેદનમાં લખ્યું કે, "કારણ કે આ IPL આચારસંહિતાની કલમ 2.22 હેઠળ તેની ટીમનો આ સિઝનનો બીજો ગુનો હતો, જે ન્યૂનતમ ઓવર-રેટના ગુનાઓ સાથે સંબંધિત છે, તેથી પંત પર 24 લાખ રૂપિયાનો દંડ ફટકારવામાં આવ્યો છે. ઈમ્પેક્ટ પ્લેયર સહિત બાકીના પ્લેઈંગ ઈલેવનના સભ્યોને છ લાખ રૂપિયા અથવા તેમની મેચ ફીના 25 ટકાનો દંડ ફટકારવામાં આવશે."
મુંબઈની પાંચમી જીત
IPL 2025ની 45મી મેચમાં MI એ LSGને હરાવી દીધું હતું. આ મેચ મુંબઈના વાનખેડે સ્ટેડિયમમાં રમાઈ હતી. મેચમાં પ્રથમ બેટિંગ કરતા મુંબઈની ટીમે 20 ઓવરમાં 7 વિકેટ ગુમાવીને 215 રન બનાવ્યા હતા. MI તરફથી રિયન રિકેલ્ટને 58 રનની ઈનિંગ રમી હતી. તેના સિવાય સૂર્યકુમાર યાદવે 54 રનની ઈનિંગ રમી હતી.
તેના જવાબમાં LSGની ટીમ માત્ર 161 રન જ બનાવી શકી હતી. આયુષે મેચમાં સૌથી વધુ રન (35) બનાવ્યા હતા. આમ MI એ LSGને 54 રનથી હરાવીને વર્તમાન સિઝનમાં સતત પાંચમી જીત નોંધાવી છે.
