Last Update :
06 May 2025
સુરતના અઠવાગેટ વિસ્તારમાં આવેલી મિશન હોસ્પિટલમાં આગ લાગવાની ઘટના સામે આવી છે. આગ હોસ્પિટલના ગ્રાઉન્ડ ફ્લોર પર આવેલી ઇન્ટેન્સિવ કેર યુનિટ (ICU)માં લાગી હતી, જે સમયે વોર્ડ ખાલી હતું અને ત્યાં કોઈ દર્દી હાજર ન હતો. સુરત મહાનગરપાલિકા (SMC)ના મેજુરા ફાયર સ્ટેશનના અધિકારીઓ અનુસાર, આગ શોર્ટ સર્કિટના કારણે વિન્ડો એર-કન્ડીશનરમાં લાગી હતી. ધુમાડો વધતાં દર્દીઓને બહાર કાઢવામાં આવ્યા હતાં. સ્ટ્રેચર પર દર્દીઓને નીચે લઈ અવાયા હતાં.
GSTVની એપ્લિકેશન ડાઉનલોડ કરો
ધુમાડો આસપાસમાં ફેલાયો
આગ લાગ્યા બાદ ધુમાડો સમગ્ર ગ્રાઉન્ડ ફ્લોર અને આસપાસના રૂમોમાં ફેલાઈ ગયો હતો, જેને કારણે ફાયર વિભાગે તાત્કાલિક દરવાજા અને બારીઓ ખોલીને ધુમાડો બહાર કાઢ્યો. ઘટનાસ્થળે 10થી વધુ ફાયર ફાઇટર ટીમો પહોંચી હતી અને ઓક્સિજન માસ્ક પહેરીને આગ બુઝાવવાની કામગીરી હાથ ધરી હતી.
પાલિકાએ અગાઉ હોસ્પિટલ પર કાર્યવાહી કરી હતી
અગાઉ પણ સુરતમાં ફાયર સેફ્ટી નોર્મ્સનું પાલન ન કરનાર હોસ્પિટલો સામે કાર્યવાહી કરવામાં આવી છે .હોસ્પિટલોમાં આગ લાગવાની ઘટનાઓને ધ્યાનમાં રાખીને, સુરત મહાનગરપાલિકા દ્વારા શહેરની હોસ્પિટલોમાં ફાયર સેફ્ટી નોર્મ્સનું પાલન સુનિશ્ચિત કરવા માટે કાર્યવાહી કરવામાં આવી રહી છે. આ ઘટનાની વધુ માહિતી માટે સ્થાનિક સમાચાર માધ્યમો અને અધિકારીઓના નિવેદનોની રાહ જોવી જરૂરી છે.
