અદાણી ગ્રુપ વધુ એક વિવાદમાં ઘેરાયું, આ દેશ પાસેથી મોટા પાયે ક્રૂડ ઓઈલ આયાત કરી રહ્યું હોવાનો રીપોર્ટમાં ખુલાસો

હિન્ડેનબર્ગ પછી, અદાણી ગ્રુપ ફરી એકવાર તપાસના દાયરામાં આવ્યું છે. અમેરિકામાં અદાણી ગ્રુપ સામે એક મોટો આરોપ મૂકવામાં આવ્યો છે અને હવે તેની તપાસ ચાલી રહી છે. તમને જણાવી દઈએ કે વોલ સ્ટ્રીટ જર્નલે એક રિપોર્ટમાં કહ્યું છે કે યુએસ અધિકારીઓ તપાસ કરી રહ્યા છે કે શું અદાણી ગ્રુપની કંપનીઓ ગુજરાતમાં તેના મુન્દ્રા બંદર દ્વારા ભારતમાં ઈરાની એલપીજી આયાત કરે છે? રિપોર્ટ અનુસાર, યુએસ અધિકારીઓ તપાસ કરી રહ્યા છે કે શું ભારતીય અબજોપતિ ગૌતમ અદાણીની કંપનીઓએ મુન્દ્રા બંદર દ્વારા ભારતમાં ઈરાની લિક્વિફાઇડ પેટ્રોલિયમ ગેસ (એલપીજી) આયાત કર્યો હતો?

GSTVની એપ્લિકેશન ડાઉનલોડ કરો

   

રિપોર્ટમાં કહેવામાં આવ્યું છે કે મુન્દ્રા અને પર્સિયન ગલ્ફ વચ્ચે નિયમિત મુસાફરી કરતા કેટલાક ટેન્કરોએ પ્રતિબંધોને બાયપાસ કરીને આ કર્યું છે. રિપોર્ટ અનુસાર, મુન્દ્રા અને પર્સિયન ગલ્ફ વચ્ચે નિયમિત મુસાફરી કરતા કેટલાક ટેન્કરોએ પ્રતિબંધોને બાયપાસ કરીને આ કર્યું છે. યુએસ જસ્ટિસ ડિપાર્ટમેન્ટ માલ મોકલવા માટે ઉપયોગમાં લેવાતા ઘણા એલપીજી ટેન્કરોની પ્રવૃત્તિઓની સમીક્ષા કરી રહ્યું છે. જો કે, અદાણી ગ્રુપે આ આરોપોને સ્પષ્ટપણે નકારી કાઢ્યા છે અને તેને પાયાવિહોણા ગણાવ્યા છે.

અદાણી ગ્રુપ તરફથી નિવેદન

અદાણી ગ્રુપે સોમવારે ઈરાની એલપીજી સાથે કથિત સંબંધો અંગે યુએસ અધિકારીઓ દ્વારા તપાસના મીડિયા અહેવાલોને નકારી કાઢ્યા હતા. અદાણી ગ્રુપે કહ્યું હતું કે તે ઈરાનથી આવતા કોઈપણ કાર્ગો અથવા તેના કોઈપણ બંદર પર ઈરાની માલિકીના કોઈપણ જહાજનું સંચાલન કરતું નથી. ગ્રુપે એમ પણ કહ્યું હતું કે તેણે ઈરાન પર લાદવામાં આવેલા કોઈપણ પ્રતિબંધોનું જાણી જોઈને ઉલ્લંઘન કર્યું નથી. અદાણી ગ્રુપે શેરબજારને જણાવ્યું હતું કે તેના કોઈપણ યુનિટ અને ઈરાની એલપીજી વચ્ચેના સંબંધોના અહેવાલો પાયાવિહોણા  છે. ગ્રુપે કહ્યું, "અદાણી ગ્રુપ તેના કોઈપણ બંદર પર ઈરાનથી આવતા કોઈપણ કાર્ગોનું સંચાલન કરતું નથી. આમાં ઈરાનથી આવતા કોઈપણ માલસામાન અથવા ઈરાની ધ્વજ હેઠળ મુસાફરી કરતા કોઈપણ જહાજનો સમાવેશ થાય છે."

તેમણે વધુમાં કહ્યું, ''આ ગ્રુપ એવા કોઈપણ જહાજને સુવિધાઓ પૂરી પાડતું નથી જેનો માલિક ઈરાની હોય. અમારા બધા બંદરો પર આ નીતિનું કડક પાલન કરવામાં આવે છે.'' તેહરાનના શંકાસ્પદ પરમાણુ કાર્યક્રમને કારણે અમેરિકાએ ઈરાની તેલ અથવા ઉત્પાદનોની ખરીદી પર પ્રતિબંધ મૂક્યો છે.

આવતીકાલે શેર ફોકસમાં રહેશે

તમને જણાવી દઈએ કે આ સમાચાર પછી અદાણી ગ્રુપના શેર આવતીકાલે ફોકસમાં રહી શકે છે. આજે અદાણી પોર્ટ્સના શેર 2% સુધી વધીને 1,464.30 રૂપિયા પર પહોંચી ગયા હતા. તે જ સમયે, અદાણી ગ્રુપની મુખ્ય કંપની અદાણી એન્ટરપ્રાઇઝના શેર 1% વધીને 2,524.70 રૂપિયા પર પહોંચી ગયા.