Last Update :
19 Apr 2025
Navsari News: ગુજરાતમાંથી સતત અકસ્માતની ઘટના સામે આવી રહી છે. એવામાં ફરી નવસારીમાંથી એક અકસ્માતની ઘટના સામે આવી રહી છે. જેમાં નવસારી જિલ્લામાં ગણદેવી રોડ ઉપર ટેન્કર પલટી ખાઈ ગયું હતું. નવસારી જિલ્લામાં ગણદેવી રોડ ઉપર રાજહંસ સિનેમા પાસે પેટ્રોલ-ડીઝલ ભરેલ ટ્રક રસ્તા પર પલટી ગયું હતું. મોટી દુર્ઘટના ન થાય તે માટે તાત્કાલિક ફાયરની ટીમને જાણ કરવામાં આવી હતી.
GSTVની એપ્લિકેશન ડાઉનલોડ કરો
મળતી માહિતી પ્રમાણે, રસ્તા વચ્ચે ગાય આવી જતાં અને અંધારાને કારણે ટ્રક ચાલકને ડિવાઈડર નહીં દેખાતા અકસ્માત સર્જાયો હતો. ટેન્કરમાં 8 હજાર લીટર પેટ્રોલ અને 4 હજાર લીટર ડીઝલ ભરેલ હતું. ટેન્કર પલટી જતા પેટ્રોલ ડીઝલ રસ્તા પર ઢોળાતા નવસારી ફાયર બ્રિગેડને જાણ કરાઈ હતી. ફાયર બ્રિગેડના જવાનોએ પાણીનો મારો ચલાવી દુર્ઘટનાને ટાળવાનો પ્રયાસ કર્યો હતો. ઘટનાને પગલે નવસારી ગ્રામ્ય પોલીસની ટીમ પણ ઘટના સ્થળે પહોંચી હતી. ટેન્કર પલટી જતા નવસારી ગણદેવી માર્ગ પર ટ્રાફિક જામની પરિસ્થિતિ સર્જાઈ હતી.
