VIDEO: નવસારી રડતાં બાળકને ચૂપ કરાવવા માટે ડ્રાઈવરે સ્ટીયરીંગ હાથમાં આપ્યું, મુસાફરોના જીવ મૂક્યા જોખમમાં

હાલમાં સોશિયલ મીડિયાનો જમાનો છે, તો બીજી તરફ કોઈને કોઈ રીતે લોકો પોતાને ફેમસ કરવા માટે રીલ્સ મૂકતા હોય છે. ઘણી વખત પોતાનો અને અન્યનો જીવ પણ જોખમમાં મુકે છે. ત્યારે આવી જ એક ઘટના નવસારીથી સામે આવી છે, તેમાં રસ્તા પર નાના બાળકનો સ્ટીયરીંગ પકડાવવાનનો વીડિયો વાયરલ થયો છે.

 રડતાં બાળકને ચૂપ કરાવવા માટે સ્ટીયરીંગ વ્હીલ હાથમાં આપ્યું

નવસારીથી સુરત જતા નેશનલ હાઇવે નંબર 48 ઉપર રડતાં બાળકને ચૂપ કરાવવા માટે સ્ટીયરીંગ વ્હીલ હાથમાં થમાવી દેવામા આવ્યું હતું. બાળકને ખોળામાં બેસાડી વાહન જતીન નામના ડ્રાઈવરે ટેમ્પો ટ્રાવેલરનું સ્ટેરીંયગ બાળકને આપીને રીલ બનાવી હતી.