Last Update :
20 May 2025
રાષ્ટ્રવાદી કોંગ્રેસ પાર્ટી (NCP) ના નેતા છગન ભુજબળે રાજભવન ખાતે મહારાષ્ટ્ર સરકારમાં મંત્રી તરીકે શપથ લીધા. આ દરમિયાન મહારાષ્ટ્રના સીએમ દેવેન્દ્ર ફડણવીસ, ડેપ્યુટી સીએમ એકનાથ શિંદે અને અજિત પવાર પણ હાજર હતા. મહારાષ્ટ્રમાં દેવેન્દ્ર ફડણવીસના નેતૃત્વ હેઠળની સરકાર આજે પોતાના મંત્રીમંડળનું વિસ્તરણ કરી રહી છે. મહારાષ્ટ્રના રાજકારણમાં અન્ય પછાત વર્ગો (OBC) ના સૌથી મોટા ચહેરાઓમાંના એક ગણાતા છગન ભુજબળ ફરી એકવાર મંત્રી બન્યા છે.
GSTVની એપ્લિકેશન ડાઉનલોડ કરો
NCPના વરિષ્ઠ નેતા છગન ભુજબળ બન્યા મંત્રી
ઉલ્લેખનીય છે કે NCPના વરિષ્ઠ નેતા છગન ભુજબળ પણ પાછલી મહાયુતિ સરકારમાં મંત્રી હતા. એનસીપીના અગ્રણી નેતાઓમાંના એક ગણાતા ભુજબળનું નવી સરકારમાં મંત્રી બનવું નિશ્ચિત માનવામાં આવતું હતું, પરંતુ આવું બન્યું નહીં. ભુજબળને દેવેન્દ્ર ફડણવીસ મંત્રીમંડળમાં સ્થાન આપવામાં આવ્યું ન હતું. ૭૭ વર્ષીય પીઢ નેતાએ આ અંગે ખુલ્લેઆમ નારાજગી વ્યક્ત કરી હતી અને અજિત પવાર પર પણ નિશાન સાધ્યું હતું. છગન ભુજબળ નાસિક જિલ્લાની યેવલા વિધાનસભા બેઠકના ધારાસભ્ય છે.
