Last Update :
30 May 2025
સુપ્રીમ કોર્ટે NEET PG 2025 પરીક્ષા અંગે આદેશ જારી કર્યો છે. આ આદેશમાં કહેવામાં આવ્યું છે કે NEET PG 2025 પરીક્ષા બે શિફ્ટમાં ન લેવી જોઈએ. કોર્ટે પોતાના આદેશ વિશે કહ્યું છે કે જો આવું કરવામાં આવે તો તેનાથી મનમાની અને મુશ્કેલીના વિવિધ સ્તર ઉભા થઈ શકે છે. કોર્ટે નેશનલ બોર્ડ ઓફ એક્ઝામિનેશન એટલે કે NBEને સ્પષ્ટપણે કહ્યું છે કે તેઓ પરીક્ષા ફક્ત એક જ શિફ્ટમાં લેવાની વ્યવસ્થા કરે.
GSTVની એપ્લિકેશન ડાઉનલોડ કરો
NEET PG 2025 પરીક્ષા બે શિફ્ટમાં લેવાના નેશનલ બોર્ડ ઓફ એક્ઝામિનેશનના નિર્ણયને પડકારતી અરજી પર સુનાવણી દરમિયાન સુપ્રીમ કોર્ટે આ વાત કહી છે. આ અરજી યુનાઇટેડ ડોક્ટર્સ ફ્રન્ટ દ્વારા દાખલ કરવામાં આવી છે. અરજીમાં કહેવામાં આવ્યું છે કે આ પરીક્ષા દેશભરમાં એક જ સત્રમાં લેવામાં આવે. છેલ્લી સુનાવણી દરમિયાન સુપ્રીમ કોર્ટે નોટિસ જારી કરીને જવાબ માંગ્યો હતો. NEET PG પરીક્ષા 15 જૂને યોજાવાની છે.
