Last Update :
06 Jun 2025
'પંચાયત' (Panchayat) પ્રાઈમ વીડિયો અને TVFની સૌથી લોકપ્રિય વેબ સિરીઝમાંની એક છે. તેની ત્રણ સિઝન રિલીઝ થઈ ગઈ છે જેને ફેન્સ તરફથી ઘણો પ્રેમ મળ્યો છે. હવે તેની ચોથી સિઝનની આતુરતાથી રાહ જોવાઈ રહી છે. મેકર્સ હવે 'પંચાયત 4' (Panchayat 4) ની રિલીઝ પહેલા એક મોટો ટ્વિસ્ટ લઈને આવ્યા છે, જે મુજબ જો ફેન્સ ઈચ્છે તો, આ સિઝન નિર્ધારિત સમયમાં રિલીઝ થઈ શકે છે. ચાલો જાણીએ કે મેકર્સનો આ નવો ટ્વિસ્ટ શું છે?
GSTVની એપ્લિકેશન ડાઉનલોડ કરો
'પંચાયત 4' (Panchayat 4) ની સ્ટ્રીમિંગ તારીખ શરૂઆતમાં 2 જુલાઈ હતી. પરંતુ જીતેન્દ્ર કુમાર અભિનીત સિરીઝની ચોથી સિઝન ફેન્સ ઈચ્છે તો રિલીઝ ડેટ પહેલા આવી શકે છે. સિઝન 4માં, ફુલેરા ગામમાં ચૂંટણીનો માહોલ જોવા મળશે, તેથી મેકર્સ સિઝન 4ની રિલીઝમાં એક નવો વળાંક લાવ્યા છે, જે મુજબ જો દર્શકો 2 જુલાઈ પહેલા આ સિરીઝ જોવા માંગતા હોય, તો તેમણે મતદાન કરવું પડશે. પ્રાઈમ વીડિયોએ એક પ્રમોશનલ વીડિયો દ્વારા આ ટ્વિસ્ટ જાહેર કર્યો છે.
મંજુ દેવી-ક્રાંતિ દેવીની પાર્ટીના થીમ સોંગ રિલીઝ થયા
વીડિયોની શરૂઆતમાં, પ્રધાન જી (રઘુબીર યાદવ), રિંકી (સાંવિકા) અને વિકાસ (ચંદન રોય) બેઠા જોવા મળે છે. તેઓ મંજુ દેવી અને ક્રાંતિ દેવી વચ્ચે ફુલેરા ગામમાં યોજાનારી ચૂંટણી માટે રણનીતિ બનાવતા જોવા મળે છે. આ દરમિયાન રિંકી પાર્ટીનું સત્તાવાર થીમ સોંગ લાવવાનો વિચાર આપે છે. આ પછી, પ્રધાન જી, રિંકી અને વિકાસ ગીત પર નાચતા અને ગામમાં સારા રસ્તાઓથી લઈને સાયકલ માટે એરબેગ્સ અને સારી વીજળી સુધીના આકર્ષક વચનો આપતા જોવા મળે છે.
બીજી તરફ, ભૂષણ (દુર્ગેશ કુમાર) અને બિનોદ (અશોક પાઠક) ના નેતૃત્વ હેઠળની ક્રાંતિ દેવીની ટીમ પણ પાછળ નથી. તેઓ પોતાના સોંગ સાથે જવાબ આપે છે, એ જ વચનો પૂરા કરવાની પ્રતિજ્ઞા લે છે, પરંતુ વધુ સારી રીતે. મંજુ દેવી અને ક્રાંતિ દેવી વચ્ચે સંગીત યુદ્ધ ચરમસીમાએ પહોંચે છે, સચિવ જી (જીતેન્દ્ર કુમાર) પ્રવેશ કરે છે અને બધાને ચૂપ કરીને કહે છે, "હું સંમત છું કે તમારી પાસે ફુલેરા માટે સૂચનો છે પણ તમે અમારા પંચાયત પ્રેક્ષકો માટે શું વિચાર્યું?"
તમે ઈચ્છો છો કે 'પંચાયત 4' જલ્દી સ્ટ્રીમ થાય, તો આ કામ કરવું પડશે
આ પછી, પ્રધાન જી કહે છે, "તમે શું વિચારો છો, રિંકીની મમ્મી", આ પછી મંજુ દેવી કહે છે, "જુઓ, જો તમે લૌકીને ટેકો આપો છો, તો અમે 2 જુલાઈ પહેલા પંચાયત સિઝન 4 લાવીશું". આ પછી, ક્રાંતિ દેવી પણ પાછળ નથી રહેતી અને તે કહે છે કે, "જો તમે અમને સપોર્ટ કરો છો, તો અમે તેમની પહેલા પણ સિઝન 4 લાવીશું." વીડિયો શેર કરતી વખતે, કેપ્શનમાં લખ્યું છે, "નવી સિઝન અમે લાવીશું, મત તમે લઈ આવજો, હમણાં જ મત આપો"
'પંચાયત 4' સ્ટાર કાસ્ટ
ચંદન કુમાર દ્વારા નિર્મિત અને દીપક કુમાર મિશ્રા દ્વારા દિગ્દર્શિત, પંચાયત (Panchayat) માં જીતેન્દ્ર કુમાર, નીના ગુપ્તા, રઘુબીર યાદવ, ફૈઝલ મલિક, ચંદન રોય, સાંવિકા અને અન્ય કલાકારો છે. સિઝન 4 પોલિટીકલ ડ્રામા અને કોમેડીનું વચન આપે છે, હવે ફેન્સને મત આપવાનો અને કહેવાનો અધિકાર છે કે તેઓ આ સિરીઝ ક્યારે જોવા માંગે છે.
