Last Update :
05 Jun 2025
રામ દરબારની પ્રાણ પ્રતિષ્ઠા આજે અયોધ્યાના રામ મંદિરમાં થવા જઈ રહી છે. આ પ્રાણ પ્રતિષ્ઠા સવારે 11 થી બપોરે 12 વાગ્યા દરમિયાન અભિજીત મુહૂર્તમાં કરવામાં આવશે. આજે રામ મંદિરમાં રામ દરબાર સહિત 7 મંદિરોમાં પ્રાણ પ્રતિષ્ઠા થશે. આજના કાર્યક્રમ માટે આખું અયોધ્યા શહેર સજાવવામાં આવ્યું છે. અયોધ્યાના રસ્તાઓ, શેરીઓ અને મંદિરોને ખાસ શણગારવામાં આવ્યા છે. ભગવાન રાજા રામના રામ દરબારની પ્રાણપ્રતિષ્ઠામાં ભાગ લેવા માટે આજે મોટી સંખ્યામાં ભક્તો પણ અયોધ્યા પહોંચ્યા છે. ધાર્મિક નેતાઓની સાથે, યુપીના CM યોગી પણ ગંગા દશેરા નિમિત્તે યોજાઈ રહેલા આ પ્રાણ પ્રતિષ્ઠા સમારોહમાં ભાગ લેશે. ખાસ વાત એ છે કે આજે સીએમ યોગીનો જન્મદિવસ પણ છે અને આ દિવસે અયોધ્યાના રામ મંદિરમાં રામ દરબારની પ્રાણ પ્રતિષ્ઠા યોજાઈ રહી છે.
GSTVની એપ્લિકેશન ડાઉનલોડ કરો
https://twitter.com/AHindinews/status/1930510477538263151
મુખ્યમંત્રી યોગી હનુમાનગઢી ખાતે પૂજા-અર્ચના કરી
મુખ્યમંત્રી યોગી આદિત્યનાથ પ્રાણ પ્રતિષ્ઠામાં ભાગ લેવા માટે અયોધ્યા પહોંચ્યા છે. પહેલા યોગી હનુમાનગઢી ગયા હતા અને વિધિ-વિધાનથી મહાવીર હનુમાનની પૂજા-અર્ચના કરી હતી.ત્યારબાદ તેઓ પ્રાણ પ્રતિષ્ઠામાં ભાગ લેશે.
અયોધ્યાની દરેક શેરી, મંદિરો અને રસ્તાઓ શણગારવામાં આવ્યા
પ્રાણ પ્રતિષ્ઠા સમારોહ માટે અયોધ્યાની દરેક શેરી, મંદિરો, રસ્તાઓ શણગારવામાં આવ્યા છે. રામ નગરી ભગવા ધ્વજ, ફૂલોની સજાવટ, રંગોળી અને દીવાઓના પ્રકાશથી ઝગમગી રહી છે. દરેક વ્યક્તિ રાહ જોઈ રહ્યા છે કે રામ મંદિરમાં રામ દરબાર શક્ય તેટલી વહેલી તકે શણગારવામાં આવે જેથી રામ લલાની સાથે રાજા રામ અને તેમનો દરબાર પણ જોઈ શકાય.
મુખ્યમંત્રી યોગી મૂર્તિની આરતી કરશે
યુપીના મુખ્યમંત્રી યોગી આદિત્યનાથ આજના કાર્યક્રમમાં હાજરી આપશે. તેઓ મૂર્તિની આરતી કરશે. મુખ્યમંત્રી યોગી આજે લગભગ 6 કલાક અયોધ્યામાં રહેશે. તેઓ લગભગ 2 કલાક રામ મંદિર પરિસરમાં રહેશે. આ સમય દરમિયાન તેઓ રામ લલાના દર્શન કરશે અને પ્રાણ પ્રતિષ્ઠા સમારોહમાં ભાગ લેશે. ત્યારબાદ તેઓ હનુમાનગઢીની મુલાકાત લેશે.
ભક્તો મોટી સંખ્યામાં અયોધ્યા પહોંચ્યા
હવે મર્યાદા પુરુષોત્તમ રામ આવી રહ્યા છે. આજે રામ દરબાર સંપૂર્ણ વિધિઓ સાથે પવિત્ર કરવામાં આવશે. આજે રામ મંદિરના પહેલા માળે ભગવાનને રાજા રામ તરીકે સ્થાપિત કરવામાં આવી રહ્યા છે. તેમની સાથે માતા જાનકી, લક્ષ્મણ, ભરત, શત્રુઘ્ન અને હનુમાનજીની મૂર્તિઓ પણ સ્થાપિત કરવામાં આવી રહી છે. મોટી સંખ્યામાં ભક્તો અયોધ્યા પહોંચ્યા છે.
