Last Update :
31 May 2025
તાજેતરમાં પૂર્ણ થયેલા કાન્સ ફિલ્મ ફેસ્ટિવલમાં પીએમ મોદીના ફોટાવાળું લોકેટ પહેરીને ચર્ચામાં આવેલી અભિનેત્રી રૂચિ ગુર્જર પોતાના વતન જયપુર પહોંચી ગઈ છે. જ્યાં તેમનું ઉષ્માભર્યું સ્વાગત કરવામાં આવ્યું હતું. આ દરમિયાન તેમણે પીએમ નરેન્દ્ર મોદીને ભગવાન ગણાવ્યા હતા.
GSTVની એપ્લિકેશન ડાઉનલોડ કરો
પીએમ મોદી ભગવાન છે - રુચિ ગુર્જર
રુચિએ કહ્યું કે ભગવાન પોતે પીએમ મોદીના રૂપમાં ધરતી પર ઉતર્યા છે. રુચિના મતે, પીએમ મોદી દેશ માટે જે કંઈ કરી રહ્યા છે, જે રીતે તેઓ સમગ્ર વિશ્વમાં ભારતની પ્રતિષ્ઠા વધારી રહ્યા છે, તે કહી શકાય કે તેઓ ભગવાનથી ઓછા નથી. રુચિ ગુર્જરે આ પ્રસંગે કહ્યું કે ઓપરેશન સિંદૂર શરૂ થયા પછી તેમણે પીએમ મોદીના ફોટાવાળુ લોકેટ પહેરવાનું અને હાથમાં સિંદૂર રાખીને કેટવોક કરવાનું નક્કી કર્યું હતું. આ દ્વારા તે પોતાના વડાપ્રધાન અને સેનાને ટેકો આપવા અને તેમનું મનોબળ વધારવા માંગતી હતી. તે આંતરરાષ્ટ્રીય મંચ પર આ સંદેશ આપવા માંગતી હતી કે દરેક ભારતીય દરેક નિર્ણયમાં પીએમ મોદી સાથે ઉભો છે.
રુચિ ગુર્જરે ટ્રોલિંગ પર શું કહ્યું?
અભિનેત્રી રૂચિ ગુર્જરે સોશિયલ મીડિયા પર ટ્રોલ થવા પર પોતાનો ગુસ્સો વ્યક્ત કર્યો છે. તેણે કહ્યું છે કે જે લોકો મને ટ્રોલ કરી રહ્યા છે તે ભારતીય ન હોઈ શકે. ભાતના નામે નકલી આઈડી બનાવીને ફક્ત પાકિસ્તાનીઓ જ આવું કરી શકે છે. તેના વિરુદ્ધ નોંધાયેલી એફઆઈઆર અંગે, તેણે કહ્યું કે મેં એવું કંઈ કર્યું નથી કે મારી વિરુદ્ધ ફોજદારી કેસ નોંધવામાં આવે. રુચિએ તેને ટ્રોલ કરનારાઓને ખુલ્લો પડકાર આપ્યો છે કે તે સામે આવે અને મુદ્દાઓ પર ચર્ચા કરે અને તેને શું ખોટું છે તે જણાવે.
રૂચિ પીએમ મોદીને મળવા માંગે છે
રુચિ ગુર્જરે ટૂંક સમયમાં પ્રધાનમંત્રી નરેન્દ્ર મોદીને મળવાની ઇચ્છા વ્યક્ત કરી છે. તે ઓપરેશન સિંદૂર માટે તેમને અભિનંદન પણ આપવા માંગે છે. તેણે કહ્યું કે પીએમ મોદીના ફોટા પાછળ કમળની છબી મૂકીને, તેણે કોઈ પક્ષનો પ્રચાર કર્યો નથી પરંતુ રાષ્ટ્રીય ફૂલ કમળ પ્રત્યે પોતાનો આદર વ્યક્ત કર્યો છે જેનો ઉપયોગ પૂજા અને શુભ કાર્યોમાં થાય છે. રુચિ ગુર્જર કહે છે કે જ્યારે તેણે ભારતીય પોશાક પહેરીને સમગ્ર વિશ્વને ભારતના સૌથી શક્તિશાળી પ્રધાનમંત્રીનો સંદેશ આપવાનો પ્રયાસ કર્યો, ત્યારે તેને નિશાન બનાવવામાં આવી રહી છે, પરંતુ જ્યારે ઉર્ફી જાવેદ જેવી મોડેલો તેમના નગ્ન ફોટા ક્લિક કરાવે છે, ત્યારે કોઈ તેમને કંઈ કહેતું નથી.
