Last Update :
15 May 2025
અમિતાભ બચ્ચનથી લઈને શાહરૂખ ખાન અને સલમાન ખાન સુધી, આ સ્ટાર્સે કરોડો લોકોના દિલમાં ખાસ સ્થાન બનાવ્યું છે. આ સ્ટાર્સે સિનેમાને ઘણી શાનદાર ફિલ્મો આપી છે, જેને ચાહકો દ્વારા ખૂબ પસંદ કરવામાં આવી છે. અને આજે આ કલાકારો કરોડોના માલિક છે. પરંતુ આ સ્ટાર્સે આ સ્થાન ફક્ત આ રીતે પ્રાપ્ત કર્યું નથી, તેમણે તેના માટે પૂરા દિલ અને આત્માથી સખત મહેનત કરી છે, અને પછી જ તેઓ અહીં સુધી પહોંચ્યા છે.
GSTVની એપ્લિકેશન ડાઉનલોડ કરો
આજે તમને તમારા મનપસંદ સ્ટાર્સના પહેલા પગાર વિશે જણાવશું. આ યાદીમાં એક એવી અભિનેત્રી પણ છે જેણે પોતાની પહેલી ફિલ્મ માટે કોઈ ફી પણ લીધી ન હતી.
ધર્મેન્દ્ર
બોલિવૂડના હી-મેન ધર્મેન્દ્રને તેની પહેલી ફિલ્મ માટે માત્ર 51 રૂપિયા મળ્યા હતા. ધર્મેન્દ્રએ પોતે એક શો દરમિયાન આ વિશે જણાવ્યું હતું. તેમણે કહ્યું હતું કે ફિલ્મના ત્રણ નિર્માતા હતા અને ત્રણેયે 17 રૂપિયા આપ્યા હતા.
અમિતાભ બચ્ચન
બોલિવૂડના શહેનશાહ અમિતાભ બચ્ચનને તેની ડેબ્યૂ ફિલ્મ સાત હિન્દુસ્તાની માટે 5000 રૂપિયા મળ્યા હતા.
સલમાન ખાન
જો કે મુખ્ય અભિનેતા તરીકે સલમાન ખાનની પ્રથમ ફિલ્મ મૈંને પ્યાર કિયા થા હતી, પરંતુ તેની પ્રથમ ફિલ્મ બીવી હો તો ઐસી હતી. આ ફિલ્મમાં સલમાન સહાયક ભૂમિકામાં હતો. આ ફિલ્મ માટે સલમાનને 11 હજાર રૂપિયા મળ્યા હતા.
આમિર ખાન
આમિર ખાનની પહેલી ફિલ્મ કયામત સે કયામત તક હતી. આ ફિલ્મ માટે આમિરને 11 હજાર રૂપિયા મળ્યા હતા.
શાહરૂખ ખાન
બાદશાહ તરીકે ઓળખાતા શાહરૂખ ખાનને તેની પહેલી ફિલ્મ દીવાના માટે 4 લાખ રૂપિયા મળ્યા હતાં.
અક્ષય કુમાર
અક્ષય કુમારે ફિલ્મ સૌગંધથી બોલિવૂડમાં એન્ટ્રી કરી હતી. આ ફિલ્મ માટે અભિનેતાને 51 હજાર રૂપિયા મળ્યા હતા.
દીપિકા પાદુકોણ
તમને જાણીને નવાઈ લાગશે કે દીપિકા પાદુકોણની પહેલી ફિલ્મ ઓમ શાંતિ ઓમ શાહરુખ ખાન સાથે હતી. તેમણે પોતાની પહેલી ફિલ્મ માટે કોઈ ફી લીધી ન હતી.
સિદ્ધાર્થ મલ્હોત્રા
સિદ્ધાર્થ મલ્હોત્રાએ સ્ટુડન્ટ ઓફ ધ યરથી બોલિવૂડમાં ડેબ્યૂ કર્યું હતું. આ ફિલ્મ માટે તેમને 1 લાખ 10 હજાર રૂપિયા મળ્યા હતા.
કાર્તિક આર્યન
કાર્તિક આર્યન, જેની પ્રથમ ફિલ્મ પ્યાર કા પંચનામા હતી, તેને આ ફિલ્મ માટે 1.25 લાખ રૂપિયા મળ્યા હતા.
શાહિદ કપૂર
શાહિદ કપૂરને તેની પહેલી ફિલ્મ ઇશ્ક વિશ્ક માટે 1 લાખ 50 હજાર રૂપિયા મળ્યા હતા.
આલિયા ભટ્ટ
આલિયા ભટ્ટે પણ સ્ટુડન્ટ ઓફ ધ યરથી બોલિવૂડમાં ડેબ્યૂ કર્યું હતું. આ ફિલ્મ માટે અભિનેત્રીને 15 લાખ રૂપિયા મળ્યા હતા.
