શતરંગ / ચર્ચાના ચકડોળે - દરેક ફોર્મેટના અલગ અલગ કેપ્ટન કે એક જ કેપ્ટન?

- ટાઈમ આઉટ

T20 વર્લ્ડ કપની સમાપ્તિ બાદ બે મહત્વની ઘટનાઓ બની. એક તો વિરાટ કોહલી સાથે રોહિત શર્મા અને રવિન્દ્ર જાડેજાએ આ ફોર્મેટમાંથી નિવૃત્તિ જાહેર કરી દીધી. આ બધું વર્લ્ડ કપ જીત્યા બાદ બાર્બાડોસમાં બન્યું. તેના થોડા દિવસ બાદ ભારતમાં BCCIના સેક્રેટરી જય શાહે કહ્યું કે આવતા વર્ષની ચેમ્પિયન્સ ટ્રોફી જે ‘કદાચ જ’ પાકિસ્તાનમાં રમાશે અને ત્યારબાદ 2027ના સાઉથ આફ્રિકામાં રમાનાર પચાસ ઓવર્સના વર્લ્ડ કપ માટે તેઓ રોહિત અને વિરાટને રમતા જોઈ રહ્યા છે.