Last Update :
23 Mar 2025
ઈન્ડિયન પ્રીમિયર લીગની 18મી સિઝનની શરૂઆત ધમાકેદાર રીતે થઈ છે. સિઝનની પહેલી મેચ કોલકાતા નાઈટ રાઈડર્સ અને રોયલ ચેલેન્જર્સ બેંગલુરુ વચ્ચે રમાઈ હતી. ઈડન ગાર્ડન્સ સ્ટેડિયમ ખાતે રમાયેલી આ મેચમાં, RCBએ શાનદાર પ્રદર્શન કર્યું અને કોલકાતા નાઈટ રાઈડર્સને હરાવ્યું અને ટૂર્નામેન્ટની શરૂઆત જીત સાથે કરી. RCBએ પહેલા બોલિંગમાં શાનદાર પ્રદર્શન કર્યું અને પછી બેટ્સમેનોએ મેચને એકતરફી બનાવી દીધી. મુંબઈ ઈન્ડિયન્સના કેપ્ટન હાર્દિક પંડ્યાએ RCBની જીત પર ખુશી વ્યક્ત કરી, જે ચર્ચાનો વિષય બન્યું છે.
GSTVની એપ્લિકેશન ડાઉનલોડ કરો
RCBની જીતથી હાર્દિક પંડ્યા કેમ ખુશ થયો?
મુંબઈ ઈન્ડિયન્સનો કેપ્ટન હાર્દિક પંડ્યા રોયલ ચેલેન્જર્સ બેંગલુરુના પરફોર્મન્સથી ખૂબ ખુશ દેખાતો હતો. આ પાછળનું સૌથી મોટું કારણ તેનો મોટા ભાઈ કૃણાલ પંડ્યા હતો. કૃણાલ પંડ્યા આ વખતે RCB ટીમનો ભાગ છે અને તે સિઝનની પહેલી મેચમાં જ મોટો મેચ વિનર સાબિત થયો. હાર્દિક અને કૃણાલ પંડ્યા વચ્ચેના સંબંધો ક્રિકેટ જગતમાં કોઈથી છુપાયેલા નથી. બંને ભાઈઓએ ઘણી વખત મેદાન પર સાથે મળીને પોતાનો જાદુ બતાવ્યો છે, ખાસ કરીને જ્યારે તેઓ મુંબઈ ઇન્ડિયન્સ માટે રમતા હતા. પરંતુ છેલ્લા કેટલાક વર્ષોથી, આ બંને ખેલાડીઓ IPLમાં અલગ અલગ ટીમો માટે રમી રહ્યા છે.
હાર્દિક કૃણાલ પંડ્યાના પરફોર્મન્સથી ખૂબ જ ખુશ દેખાતો હતો. તેણે સોશિયલ મીડિયા પર પોતાની ખુશી વ્યક્ત કરી હતી. મેચ પછી, પંડ્યાએ તેની ઇન્સ્ટાગ્રામ સ્ટોરી પર કૃણાલ પંડ્યાનો ફોટો શેર કર્યો અને તેની સાથે એક ઈવિલ આઈવાળું ઈમોજી પણ શેર કર્યું. હાર્દિકે મેચ દરમિયાન પણ કૃણાલ માટે એક સ્ટોરી શેર કરી હતી. તમને જણાવી દઈએ કે, મુંબઈ ઈન્ડિયન્સે આ સિઝનમાં પોતાનો પહેલો મેચ 23 માર્ચે રમવાનો છે. પરંતુ હાર્દિક આ મેચનો નહીં હોય. ગઈ સિઝનમાં મુંબઈની છેલ્લી મેચ દરમિયાન, સ્લો ઓવર રેટને કારણે તેના પર એક મેચનો પ્રતિબંધ મૂકવામાં આવ્યો હતો.
પહેલી મેચમાં કૃણાલ પંડ્યાનું પરફોર્મન્સ
ક્રુણાલ પંડ્યાએ RCB માટે પોતાની ડેબ્યુ મેચમાં ખૂબ જ ઈકોનોમિકલ બોલિંગ કરી. તેણે પોતાના 4 ઓવરના સ્પેલમાં ફક્ત 29 રન આપ્યા અને 3 બેટ્સમેનોને આઉટ કર્યા. કૃણાલ પંડ્યાએ અજિંક્ય રહાણે, વેંકટેશ અય્યર અને રિંકુ સિંહ જેવા મોટા બેટ્સમેનોની વિકેટ લીધી, જેના કારણે RCB KKRને નાના સ્કોર પર રોકવામાં સફળ રહી. આ પરફોર્મન્સ માટે કૃણાલ પંડ્યાને પ્લેયર ઓફ ધ મેચનો એવોર્ડ પણ આપવામાં આવ્યો હતો.
