Last Update :
27 Apr 2025
ટીમ ઈન્ડિયાના પ્રિન્સ અને IPLમાં ગુજરાત ટાઈટન્સ (GT) નો કેપ્ટન શુભમન ગિલ ક્રિકેટ (Shubman Gill) માં એક પછી એક સિદ્ધિઓ હાંસલ કરી રહ્યો છે. આવી સ્થિતિમાં, તેના અંગત જીવનની પણ ચર્ચા થાય છે. ગિલનું નામ સોશિયલ મીડિયા પર ઘણી સેલિબ્રિટીઝ સાથે પણ જોડાયું છે. જોકે, ગિલે હવે પોતાના અંગત જીવન વિશે ચાલી રહેલી અફવાઓનો અંત લાવી દીધો છે. તેણે પોતાના સંબંધો અંગેની અટકળોને "મૂર્ખતાપૂર્ણ" ગણાવી.
GSTVની એપ્લિકેશન ડાઉનલોડ કરો
શુભમન ગિલ ત્રણ વર્ષથી સિંગલ છે
શુભમન (Shubman Gill) એ એક ઇન્ટરવ્યુમાં સ્પષ્ટતા કરી છે કે તે છેલ્લા ત્રણ વર્ષથી સિંગલ છે અને સતત થતી અફવાઓ તેને પરેશાન નથી કરતી. પોતાના અંગત જીવન વિશે ચાલી રહેલી ચર્ચાઓ વિશે વાત કરતા ગિલે કહ્યું, "હું ત્રણ વર્ષ કે તેથી વધુ સમયથી સિંગલ છું અને ઘણી અટકળો અને અફવાઓ મને જુદા જુદા લોકો સાથે જોડે છે. ક્યારેક તે ખૂબ રમુજી હોય છે કારણ કે હું મારા જીવનમાં તે વ્યક્તિને મળ્યો પણ નથી. તે વિચિત્ર છે."
ગિલ આ દિવસોમાં કરિયર પર ધ્યાન કેન્દ્રિત કરી રહ્યો છે
આ દિવસોમાં ગિલ (Shubman Gill) સંપૂર્ણપણે પોતાના કરિયર પર ધ્યાન કેન્દ્રિત કરે છે. ગિલે કહ્યું કે તેનું શેડ્યૂલ ખૂબ જ વ્યસ્ત છે. તેણે કહ્યું, "અમે વર્ષમાં લગભગ 300 દિવસ બહાર હોઈએ છીએ. કોઈની સાથે રહેવા માટે કે સંબંધ માટે જરૂરી સમય વિતાવવા માટે ભાગ્યે જ કોઈ સમય હોય છે." મેચ દરમિયાન, દર્શકો ગિલનું નામ ઘણી સેલેબ્રિટી સાથે જોડે છે. આ અંગે શુભમને કહ્યું કે એકવાર તે મેદાન પર ઉતરે છે, ત્યારે તે એટલા ધ્યાનથી રમે છે કે તેને સ્ટેન્ડમાંથી આવતા અવાજનો ખ્યાલ જ નથી હોતો.
શુભમન ગિલ (Shubman Gill) એ કહ્યું, "જ્યારે તમે બેટિંગ કરો છો, ત્યારે તમને આ નારા સંભળાતા નથી. તમે તમારી એકાગ્રતામાં સંપૂર્ણપણે ડૂબી જાઓ છો. તમે ગેપ, બોલર, આગામી શોટ વિશે વિચારતા રહો છો. ફિલ્ડિંગ કરતી વખતે, ખાસ કરીને બાઉન્ડ્રીની નજીક, તમને ક્યારેક આ નારા સંભળાય છે."
