Last Update :
27 Feb 2025
15 ઓગસ્ટ, 2020ના રોજ, ભારતીય ટીમના ભૂતપૂર્વ કેપ્ટન મહેન્દ્ર સિંહ ધોનીએ અચાનક આંતરરાષ્ટ્રીય ક્રિકેટમાંથી નિવૃત્તિ લઈને બધાનું દિલ તોડી નાખ્યું. તેણે એક વીડિયો પોસ્ટ કર્યો હતો જેના બેકગ્રાઉન્ડમાં 'મૈં પલ દો પલ કા શાયર હૂં' ગીત વાગી રહ્યું હતું. તેની નિવૃત્તિએ ફેન્સને ખૂબ જ ભાવુક કરી દીધા હતા. ત્રણેય ફોર્મેટમાંથી નિવૃત્તિ લઈ ચૂકેલો ધોની હાલમાં IPLમાં CSK માટે રમી રહ્યો છે, પરંતુ દર વર્ષે તેની નિવૃત્તિ અંગે ચર્ચા થાય છે કે IPLમાં તેની છેલ્લી સિઝન ક્યારે હશે.
GSTVની એપ્લિકેશન ડાઉનલોડ કરો
વાયરલ વીડિયોથી મળ્યો મોટો સંકેત
IPL 2025 પહેલા જ, ધોનીની નિવૃત્તિ સંબંધિત એક વીડિયો સોશિયલ મીડિયા પર ઝડપથી વાયરલ થઈ રહ્યો છે, જેમાં ધોનીના ટી-શર્ટ પર લખેલા મેસેજે ફેન્સને ભાવુક કરી દીધા છે. ધોની બુધવારે ચેન્નાઈ પહોંચ્યો, જ્યાં તે બ્લેક કલરની ટી-શર્ટ પહેરેલો જોવા મળ્યો હતો. ધોનીના ટી-શર્ટ પરનો મેસેજ મોર્સ કોડમાં હતો.
ફેન્સે તેના મેસેજનો અર્થ શોધી કાઢ્યો છે, તેના ટી-શર્ટ પર લખ્યું હતું, 'એક છેલ્લી વખત (One Last Time).' આ પછી, ફેન્સ તેને IPLની તેની છેલ્લી સિઝન સાથે જોડી રહ્યા છે. માહીના ફેન્સ આનાથી નિરાશ થયા છે. એવું માનવામાં આવે છે કે આ ધોનીની છેલ્લી IPL સિઝન હશે. તમને જણાવી દઈએ કે 19મી અને 20મી સદીમાં સેનામાં ગુપ્ત સંદેશા મોકલવા માટે મોર્સ કોડનો ઉપયોગ થતો હતો.
IPLમાં ધોનીનું પ્રદર્શન
IPLમાં, એમએસ ધોનીએ તેની કેપ્ટનશિપ હેઠળ CSKને 5 ટાઈટલ (2010, 2011, 2018, 2021 અને 2023) જીતાડ્યા છે. તે ટૂર્નામેન્ટના ઈતિહાસમાં સૌથી સફળ કેપ્ટન હતો. તેની કેપ્ટનશિપ અને મેચ ફિનિશિંગ સ્ટાઇલના કારણે, CSK ટીમે IPLમાં પોતાની અલગ ઓળખ બનાવી છે.
ધોનીએ IPLમાં કુલ 264 મેચ રમી અને 5243 રન બનાવ્યા છે. આ સમયગાળા દરમિયાન, તેનો હાઈએસ્ટ સ્કોર અણનમ 84 રન રહ્યો. તેના બેટમાંથી 24 અડધી સદી લાગી, પરંતુ અત્યાર સુધી તે IPLમાં સદી ફટકારી નથી શક્યો.
