Last Update :
28 Jun 2025
યશસ્વી જયસ્વાલ ટેસ્ટ ફોર્મેટમાં ભારત માટે શાનદાર પ્રદર્શન કરી રહ્યો છે. પોતાની ટૂંકી ટેસ્ટ કારકિર્દીમાં, આ ખેલાડીએ ઘણા મોટા રેકોર્ડ તોડ્યા છે. ભારત અને ઈંગ્લેન્ડ વચ્ચે રમાઈ રહેલી 5 મેચની ટેસ્ટ સિરીઝની પહેલી જ મેચમાં, આ લેફી ઓપનરે સદી ફટકારી હતી, જે તેના ઉત્તમ ફોર્મને પણ દર્શાવે છે. બીજી મેચ 2 જુલાઈથી એજબેસ્ટન ખાતે રમાશે. આ મેચમાં, યશસ્વી જયસ્વાલ 1976માં સુનીલ ગાવસ્કરે બનાવેલા 49 વર્ષ જૂના રેકોર્ડને તોડી શકે છે.
GSTVની એપ્લિકેશન ડાઉનલોડ કરો
જયસ્વાલની નજર સુનીલ ગાવસ્કરના રેકોર્ડ પર
સુનીલ ગાવસ્કર ભારત માટે ટેસ્ટ ફોર્મેટમાં સૌથી ઝડપી 2 હજાર રન બનાવનાર ખેલાડી બની શકે છે. 1976માં પોતાની 23મી ટેસ્ટ મેચ દરમિયાન તેણે આ પરાક્રમ કર્યું હતું. હવે યશસ્વીની નજર ગાવસ્કરના રેકોર્ડ પર ટકેલી છે. તે 97 રન બનાવતાની સાથે જ ગાવસ્કરનો રેકોર્ડ તોડી શકે છે. જયસ્વાલે ભારત માટે અત્યાર સુધી 20 ટેસ્ટ મેચ રમી છે. તેણે 38 ઈનિંગ્સમાં 52.86ની શાનદાર એવરેજ સાથે 1903 રન બનાવ્યા છે. જયસ્વાલે અત્યાર સુધીમાં 5 સદી અને 10 અડધી સદી ફટકારી છે. ઈંગ્લેન્ડ સામેની પહેલી મેચની પહેલી ઈનિંગમાં જયસ્વાલે 101 રન બનાવ્યા હતા. જોકે, બીજી ઈનિંગમાં તેનું બેટ ન ચાલ્યું અને તે માત્ર 4 રન બનાવીને આઉટ થઈ ગયો હતો.
જયસ્વાલનો રેકોર્ડ શાનદાર છે
જયસ્વાલ એક સિરીઝમાં સૌથી વધુ બેવડી સદી ફટકારનાર ત્રીજો ભારતીય ખેલાડી પણ છે. તેણે 2024માં ઈંગ્લેન્ડ સામે એક સિરીઝમાં 2 બેવડી સદી ફટકારી હતી. આ ઉપરાંત, તેનું નામ ડેબ્યુ ટેસ્ટ મેચમાં સદી ફટકારનારા ખેલાડીઓની યાદીમાં પણ સામેલ છે. જયસ્વાલ ટેસ્ટમાં 1000 રન પૂરા કરનાર બીજો સૌથી ઝડપી ભારતીય ખેલાડી છે.
