Last Update :
10 Jun 2025
જો તમે સસ્તા ભાવે 108 મેગાપિક્સલનો મુખ્ય કેમેરા વાળો ફોન ખરીદવાનું વિચારી રહ્યા છો, તો તમને પાંચ શાનદાર વિકલ્પો વિશે જણાવશું. આ ફોનની કિંમત 20 હજાર રૂપિયાથી ઓછી છે. આમાંથી સૌથી સસ્તો ફોન 12499 રૂપિયાનો છે. ખાસ વાત એ છે કે OnePlusનો એક લોકપ્રિય ફોન પણ આ યાદીમાં સામેલ છે. શ્રેષ્ઠ કેમેરાની સાથે તમને આ ફોનમાં ફાસ્ટ ચાર્જિંગ પણ મળશે. અહીં જાણો આ ફોન વિશે વિગતવાર...
GSTVની એપ્લિકેશન ડાઉનલોડ કરો
Redmi 13 5G
6GB RAM અને 128GB ઇન્ટરનલ સ્ટોરેજવાળા ફોનના વેરિયન્ટની કિંમત એમેઝોન ઇન્ડિયા પર 12499 રૂપિયા છે. ફોનના પાછળના ભાગમાં ફોટોગ્રાફી માટે રિંગ ફ્લેશ સાથે 108 મેગાપિક્સલનો મેન કેમેરા છે. ફોનમાં આપવામાં આવેલી બેટરી 5030mAh છે, જે 33W ફાસ્ટ ચાર્જિંગને સપોર્ટ કરે છે. આ Redmi ફોનમાં તમને 6.79 ઇંચનો ડિસ્પ્લે મળશે. ફોનમાં આપવામાં આવી રહેલ આ ડિસ્પ્લે 120Hzના રિફ્રેશ રેટને સપોર્ટ કરે છે. પ્રોસેસર તરીકે કંપની ફોનમાં Snapdragon 4 Gen 3 AE આપી રહી છે. કંપની આ ફોનમાં IP53 સ્પ્લેશ અને વોટર રેઝિસ્ટન્ટ રેટિંગ પણ આપી રહી છે.
TECNO POVA 6 NEO 5G
8GB RAM અને 256GB ઇન્ટરનલ સ્ટોરેજવાળા ફોનનું વેરિયન્ટ એમેઝોન પર 12,999 રૂપિયાની કિંમતે લિસ્ટ થયેલ છે. ફોટોગ્રાફી માટે ફોનમાં LED ફ્લેશ સાથે 108-મેગાપિક્સલનો AI કેમેરા છે. આ ફોન 5000mAh બેટરીથી સજ્જ છે. આ બેટરી 18W ફાસ્ટ ચાર્જિંગને સપોર્ટ કરે છે. ફોન વર્ચ્યુઅલ RAM સપોર્ટ સાથે આવે છે. આનાથી તેની કુલ RAM 16GB સુધી વધી જાય છે. ફોનનો ડિસ્પ્લે 120Hzના રિફ્રેશ રેટને સપોર્ટ કરે છે. પ્રોસેસર તરીકે કંપની તેમાં Dimensity D6300 ઓફર કરી રહી છે.
POCO X6 Neo 5G
8GB RAM અને 128GB ઇન્ટરનલ સ્ટોરેજવાળો આ ફોન તમે Amazon India પરથી 13890 રૂપિયામાં ખરીદી શકો છો. ફોનની ખાસિયતોની વાત કરીએ તો કંપની તેમાં ડ્યુઅલ રીઅર કેમેરા સેટઅપ આપી રહી છે. તેમાં 108-મેગાપિક્સલનો મેન લેન્સ સાથે 2-મેગાપિક્સલનો સેકન્ડરી કેમેરા છે. સેલ્ફી માટે ફોનમાં 16-મેગાપિક્સલનો ફ્રન્ટ કેમેરા છે. ફોનમાં આપવામાં આવેલી બેટરી 5000mAh છે. આ બેટરી 33-વોટ ફાસ્ટ ચાર્જિંગને સપોર્ટ કરે છે. આ ફોન ડાયમેન્સિટી 6080 પ્રોસેસરથી સજ્જ છે. તેમાં આપવામાં આવેલ ફુલ HD + AMOLED ડિસ્પ્લે 6.67 ઇંચ છે.
OnePlus Nord CE 3 Lite 5G
8GB RAM અને 128GB ઇન્ટરનલ સ્ટોરેજવાળા આ ફોનની કિંમત એમેઝોન ઇન્ડિયા પર 19,900 રૂપિયા છે. આ ફોનમાં તમને 108 મેગાપિક્સલનો કેમેરા પણ મળશે. આ ઉપરાંત ફોનમાં 2 મેગાપિક્સલનો ડેપ્થ સેન્સર અને 2 મેગાપિક્સલનો મેક્રો લેન્સ શામેલ છે. ફોનનો સેલ્ફી કેમેરા 16 મેગાપિક્સલનો છે. ફોનમાં આપવામાં આવેલી બેટરી 5000mAh છે, જે 67 વોટ ફાસ્ટ ચાર્જિંગને સપોર્ટ કરે છે. પ્રોસેસર તરીકે કંપની તેમાં સ્નેપડ્રેગન 695 5G ઓફર કરી રહી છે. ફોનમાં તમને 6.72 ઇંચની ડિસ્પ્લે મળશે, જે 120Hzના રિફ્રેશ રેટને સપોર્ટ કરે છે.
HONOR 200 Lite
આ Honor ફોન 8GB RAM અને 256GB ઇન્ટરનલ સ્ટોરેજથી સજ્જ છે. તેની કિંમત 15900 રૂપિયા છે. ફોનમાં તમને 108 મેગાપિક્સલનો મેન કેમેરા મળશે. તેનો સેલ્ફી કેમેરા 50 મેગાપિક્સલનો છે. કંપની ફોનમાં 4500mAh બેટરી આપી રહી છે. ફોન ડાયમેન્સિટી 6080 પ્રોસેસર પર કામ કરે છે. આમાં કંપની 6.7 ઇંચની ફુલ HD+ ડિસ્પ્લે આપી રહી છે.
