Last Update :
25 Apr 2025
વિશ્વપ્રસિદ્ધ ઇલેક્ટ્રિક કાર કંપની ટેસ્લાની સર્વોચ્ચ ટેકનોલોજીથી યુક્ત Cybertruck હવે ભારતમાં પણ જોવા મળી રહી છે. સુરતના જાણીતા ઉદ્યોગપતિ લવજી બાદશાહે આ અદભૂત અને અનોખી Cybertruck દુબઈથી ઈમ્પોર્ટ કરીને પોતાને કાર શોખ પ્રત્યેની દીવાનગીને સાબિત કરી છે. Cybertruck ભારત માટે નવી છે અને તે હજુ સુધી ટેસ્લા દ્વારા અહીં ઓફિશિયલી લોન્ચ કરવામાં આવી નથી. છતાં લવજી બાદશાહે દુબઈ પાસિંગ સાથે આ કાર મંગાવી અને પહેલા મુંબઈ, ત્યારબાદ સુરત લાવી. જેમજેમ કાર રસ્તા પર દોડી રહી છે, લોકોનું ટોળું તેના ફોટા અને વિડિયો કેચ કરવા ઉમટી પડે છે.
GSTVની એપ્લિકેશન ડાઉનલોડ કરો
ટેસ્લાની Cybertruckના ખાસ ફીચર્સ
આ Cybertruck એકદમ અનોખી ડિઝાઇન અને ફીચર્સથી ભરપૂર છે. તેમાં ઉપયોગમાં લેવામાં આવ્યું છે “Tesla Armor Glass” – ખાસ મજબૂત કાચ જે સામાન્ય કાચ કરતા ઘણું વધારે શક્તિશાળી છે. તેના બોડીમાં પણ સ્ટેનલેસ સ્ટીલનો ઉપયોગ કરાયો છે જે આ કારને “ફ્યુચરથી આવ્યું વાહન” બનાવી દે છે. ટ્રકની ઊંચાઈ એડજસ્ટ કરી શકાય છે. શહેરમાં ડ્રાઇવિંગ માટે નીચું રાખી શકાય છે અને ઓફ-રોડિંગ માટે તેને ઊંચી કરી શકાય છે. બેટરી પર આધારિત આ વાહન પર્યાવરણને નુકસાન કરતી પેઢીથી દૂર છે અને અવાજ વગર ચાલે છે – જે ભવિષ્ય માટે ખૂબ ફાયદાકારક છે.
લવજી બાદશાહનો શોખ ચર્ચામાં
લવજી બાદશાહ પહેલાથી જ લક્ઝરી કાર્સ માટે જાણીતા છે. તેમના કાફલામાં અનેક દુર્લભ અને મોંઘી કાર્સ જોવા મળે છે. હવે Cybertruck જોડાતા, તે કારપ્રેમીઓ માટે એક નવા માઇલસ્ટોન સમાન બની છે. સોશિયલ મીડિયા પર Cybertruckના વિડિયો અને ફોટા વાયરલ થયા બાદ લોકોમાં ઉમંગનો માહોલ જોવા મળ્યો છે. ખાસ કરીને ઓટોમોબાઇલ શોખીનો Cybertruck જોવા માટે સુરતના રસ્તાઓ પર નજર રાખી રહ્યા છે.
