Last Update :
15 Feb 2025
બ્રાઝિલના એનાપોલિસ શહેરમાં એક ભયાનક ઘટના બની જ્યારે એક મહિલાના જીન્સના પાછળના ખિસ્સામાં રાખેલો મોબાઇલ ફોન અચાનક ફૂટી ગયો. વિસ્ફોટ સાથે જ આગ ફાટી નીકળી અને થોડી જ વારમાં તેનું પેન્ટ બળવા લાગ્યું. સુપરમાર્કેટમાં હાજર લોકો ચોંકી ગયા અને આખા સુપરમાર્કેટમાં અંધાધૂંધી ફેલાઈ ગઈ.
GSTVની એપ્લિકેશન ડાઉનલોડ કરો
વાયરલ થઈ રહેલા સીસીટીવી ફૂટેજમાં જોવા મળે છે કે મહિલા તેના પાર્ટનર સાથે સુપરમાર્કેટમાં ખરીદી કરી રહી હતી. મોબાઇલ તેના જીન્સના પાછળના ડાબા ખિસ્સામાં રાખવામાં આવ્યો હતો. અચાનક ફોનમાં વિસ્ફોટ થયો અને આગ લાગી ગઈ. આગ એટલી તીવ્ર હતી કે મહિલા પીડાથી ચીસો પાડી અને પોતાનો જીવ બચાવવા દોડવા લાગી. તેનો સાથી તરત જ પાછળથી દોડી ગયો અને તેને બચાવવાનો પ્રયાસ કર્યો, પરંતુ ત્યાં સુધીમાં તેના પેન્ટનો એક ભાગ બળી ગયો હતો.
કેટલું નુકસાન થયું?
અહેવાલો અનુસાર, જે મોબાઇલમાં વિસ્ફોટ થયો હતો તે એક પ્રખ્યાત કંપનીનો હતો. વિસ્ફોટને કારણે, મહિલાની પીઠ, હાથ અને કમરના નીચેના ભાગમાં ગંભીર રીતે દાઝી ગઈ હતી. તેના વાળમાં પણ આગ લાગી ગઈ. તેમને તાત્કાલિક હોસ્પિટલમાં લઈ જવામાં આવ્યા, જ્યાં તેમની સારવાર ચાલી રહી છે.
