જબરો ગોટાળો, સરકારી સ્કૂલને 4 લીટર કલર કરવા 168 મજૂર અને 65 મિસ્ત્રી થયા!

મધ્યપ્રદેશના શહડોલ જિલ્લામાં એક સરકારી હાઈસ્કૂલની દિવાલો રંગવાનો મામલો હેડલાઈન્સમાં છે. ફક્ત 4 લીટર રંગ લગાવવા માટે 168 મજૂરો અને 65 મિસ્ત્રીઓને કામે લગાડવામાં આવ્યા હતા! હા, આ 'ઐતિહાસિક' પેઇન્ટિંગમાં કુલ 233 લોકો સામેલ હતા. હવે આ પરાક્રમનું બિલ સોશિયલ મીડિયા પર પણ વાયરલ થયું છે, જેને જોઈને તમે ચોકી જશો.

GSTVની એપ્લિકેશન ડાઉનલોડ કરો

   

લાખો રૂપિયાનો પેઇન્ટ

આ પેઇન્ટિંગની કિંમત પણ ઓછી નહોતી. 4 લીટર પેઇન્ટથી દિવાલોને ચમકાવવાનું બિલ 1 લાખ 6 હજાર રૂપિયાનું હતું. મોટી વાત એ છે કે શાળા શિક્ષણ વિભાગના જિલ્લા શિક્ષણ અધિકારીએ આ બિલને તરત મંજૂરી આપી દીધી. પ્રશ્ન એ છે કે શું 4 લીટર પેઇન્ટ એટલો જાદુઈ હતો કે તેણે આટલા બધા લોકોને કામ આપ્યું? કે પછી મધ્યપ્રદેશની શાળાઓમાં કૌભાંડનો કોઈ વિચિત્ર ખેલ ચાલી રહ્યો છે.

આ પણ વાંચો :

20 વર્ષ પછી એક મંચ પર સાથે આવ્યા ઠાકરે ભાઈઓ, રાજે કહ્યું - 'બાળાસાહેબ જે ન કરી શક્યા, તે...'

રાહુલ ગાંધીએ ટેરિફ અંગે સરકાર પર કર્યા આકરા પ્રહાર, કહ્યું- 'પિયુષ ગોયલ ગમે તેટલી બડાઈ કરે, પીએમ મોદી...'

આ મામલે જિલ્લા શિક્ષણ અધિકારી ફૂલ સિંહ મારપચીનું નિવેદન બહાર આવ્યું છે. મીડિયા રિપોર્ટ અનુસાર, તેમણે કહ્યું છે કે તેને સોશિયલ મીડિયા પરથી આ વાતની જાણ થઈ છે. તેમણે કહ્યું કે તેની તપાસ કર્યા પછી કાર્યવાહી કરવામાં આવશે.

આ ચમકનું રહસ્ય શું છે?

શહડોલની આ હાઇસ્કૂલ હવે તેની ચમકતી દિવાલો કરતાં આ અનોખા બિલ માટે વધુ સમાચારમાં છે. શું તે માત્ર બેદરકારી હતી કે તેની પાછળ કોઈ મોટી રમત હતી? આ તો તપાસ પછી જ ખબર પડશે, પરંતુ હાલમાં આ સમાચાર શહડોલની શેરીઓમાં રંગ ફેલાવી રહ્યા છે.

આ પણ વાંચો :

બળજબરીથી મહિલાના કપડાં ઉતારવા એ પણ બળાત્કારનો પ્રયાસ ગણાય: હાઇકોર્ટ

Jammu: અમરનાથ યાત્રા રૂટ પર અકસ્માત, પાંચ બસો અથડાતા 36 શ્રદ્ધાળુઓ ઘાયલ