Last Update :
14 Apr 2025
રાજસ્થાન રોયલ્સ (RR) સામે રમાયેલી મેચમાં વિરાટ કોહલી (Virat Kohli) એ ઈતિહાસ રચ્યો છે. આ મેચમાં તેણે અડધી સદી ફટકારી હતી, આ સાથે તેણે T20માં તેની 100મી અડધી સદી ફટકારી હતી. તે આ સિદ્ધિ મેળવનાર પ્રથમ એશિયન બેટ્સમેન બન્યો છે. કોહલી પહેલા આજ સુધી કોઈ પણ એશિયન ખેલાડી આ સિદ્ધિ નથી મેળવી શક્યો.
GSTVની એપ્લિકેશન ડાઉનલોડ કરો
કોહલીની શાનદાર અડધી સદી
કોહલી (Virat Kohli) એ રાજસ્થાન સામે 15મી ઓવરમાં IPL 2025ની પોતાની બીજી અડધી સદી ફટકારી હતી. આ પહેલા કિંગ કોહલીએ KKR સામે રમાયેલી મેચમાં અણનમ અડધી સદીની ઈનિંગ રમી હતી. આ પછી, RR સામે કોહલી (Virat Kohli) નું બેટ ગર્જ્યું. આ મેચમાં તેણે 45 બોલમાં 62 રનની શાનદાર અણનમ ઈનિંગ રમી હતી. આ દરમિયાન કોહલીએ 4 ચોગ્ગા ઉપરાંત 2 છગ્ગા ફટકાર્યા હતા. કોહલીએ 137.78ની સ્ટ્રાઇક રેટ સાથે બેટિંગ કરી હતી.
T20માં સૌથી વધુ અડધી સદી ફટકારનારા ખેલાડીઓ
ડેવિડ વોર્નર T20માં સૌથી વધુ અડધી સદી ફટકારનાર પ્રથમ ખેલાડી છે. તેણે અત્યાર સુધીમાં 108 અડધી સદી ફટકારી છે. તેના પછી વિરાટ કોહલી હવે 100 અડધી સદી સાથે બીજા સ્થાને પહોંચી ગયો છે. આ યાદીમાં ત્રીજા નંબરે બાબર આઝમ છે, તેણે 90 અડધી સદી ફટકારી છે. ચોથા નંબર પર ક્રિસ ગેલ છે, તેણે 88 અડધી સદી ફટકારી છે. પાંચમા સ્થાને જોસ બટલર છે. તેના નામે 86 અડધી સદી છે.
RCB એ મેચ જીતી
પ્રથમ બેટિંગ કરતા RRએ યશસ્વી જયસ્વાલના 75 અને ધ્રુવ જુરેલના 35 રનની મદદથી 20 ઓવરમાં 173 રન બનાવ્યા, જેના જવાબમાં RCBએ 17.3 ઓવરમાં 175 રન બનાવીને ટાર્ગેટ ચેઝ કર્યો હતો. RCB માટે ફિલિપ સોલ્ટે 33 બોલમાં 65 રન બનાવ્યા, જ્યારે દેવદત્ત પડિક્કલે 28 બોલમાં 40 રન બનાવ્યા હતા.
