ટ્રમ્પે ભારતને ફરી આપ્યો મોટો ઝટકો, ચાર કંપનીઓ પર લગાવ્યો પ્રતિબંધ; જાણો શું છે કારણ

અમેરિકાએ પેટ્રોલિયમ અને પેટ્રોકેમિકલ ઉદ્યોગ સાથે જોડાયેલી કેટલીક કંપનીઓ પર પ્રતિબંધ લગાવ્યો છે. જે કંપનીઓ પર અમેરિકા તરફથી પ્રતિબંધ લગાવવામાં આવ્યો છે તે તમામનો સંબંધ ઇરાનના તેલ ઉદ્યોગ સાથે છે. પ્રતિબંધિત કરવામાં આવેલી કંપનીઓમાં ભારતીય કંપનીઓ પણ સામેલ છે. અમેરિકા તરફથી આ પગલુ ઇરાન પર દબાણ બનાવવા માટે ભરવામાં આવ્યું છે.

GSTVની એપ્લિકેશન ડાઉનલોડ કરો

   

આ ભારતીય કંપનીઓ પર પ્રતિબંધ

અમેરિકાએ ઇરાનના પેટ્રોલિયમ અને પેટ્રોકેમિકલ ઉદ્યોગ સાથે જોડાયેલી 16 કંપનીઓ પર પ્રતિબંધ લગાવ્યો છે જેમાં ભારતની ચાર કંપનીઓ પણ સામેલ છે. અમેરિકન નાણા વિભાગ દ્વારા જાહેર નિવેદન અનુસાર, પ્રતિબંધિત ભારતીય કંપનીઓ ઓસ્ટિનશિપ મેનેજમેન્ટ પ્રાઇવેટ લિમિટેડ, BSM મરીન એલએલપી, કૉસમોસ લાઇન્સ ઇંક અને ફ્લક્સ મેરીટાઇમ એલએલપી સામેલ છે.

આ પણ વાંચો :

યુક્રેનમાં રશિયાનું યુદ્ધ સમાપ્ત થવાના આરે, અમેરિકાના રાષ્ટ્રપતિ ડોનાલ્ડ ટ્રમ્પનું મોટું નિવેદન

ટ્રમ્પે સમગ્ર વિશ્વને ચોંકાવ્યું, UNમાં યુક્રેનને બદલે રશિયાને સમર્થન આપ્યું: જાણો ભારતે શું કર્યું

નિવેદનમાં કહેવામાં આવ્યું કે અમેરિકન વિદેશ વિભાગે ઇરાનના પેટ્રોલિયમ અને પેટ્રોકેમિકલ ઉદ્યોગ સાથે જોડાયેલી 16 કંપનીઓ પર પ્રતિબંધ લગાવવામાં આવી રહ્યો છે. વિદેશ વિભાગે, નાણા વિભાગના વિદેશી સંપત્તિ નિયંત્રણ કાર્યાલય સાથે મળીને 22 વ્યક્તિઓ પર પણ પ્રતિબંધ લગાવ્યો છે તથા ઇરાનના તેલ ઉદ્યોગ સાથે જોડાવાને કારણે વિવિધ ક્ષેત્રમાં 13 હજારોને પ્રતિબંધિત સંપત્તિના રૂપમાં નોટ કરી છે.

આ કારણે કરવામાં આવી કાર્યવાહી

અમેરિકા દ્વારા ગેરકાયદેસર શિપિંગ નેટવર્કને ખલેલ પહોંચાડવા માટે આ નિર્ણય લેવામાં આવ્યો છે. જે એશિયામાં ખરીદદારોને ઈરાની તેલ વેચવાનું કામ કરે છે. આ નેટવર્ક ગેરકાયદેસર શિપિંગ દ્વારા કરોડો ડોલરની કિંમતના ક્રૂડ ઓઇલના ઘણા બેરલ વેચવાનો પ્રયાસ કરી રહ્યું હતું. અમેરિકાનું માનવું છે કે ઈરાન તેલની આવક દ્વારા આતંકવાદને આર્થિક મદદ કરી રહ્યું છે. આ પગલાથી ઈરાનની આર્થિક ગતિવિધિઓ પર અંકુશ આવશે અને આતંકવાદને ધિરાણ મળતું બંધ થશે.