Last Update :
29 May 2025
ભારતીય અવકાશ સંશોધન સંગઠન એટલે કે ISROના સેન્ટ્રલાઇઝ્ડ રિક્રુટમેન્ટ બોર્ડ (ISRO-ICRB) એ વૈજ્ઞાનિક/એન્જિનિયરની જગ્યા માટે અરજીઓ મંગાવી છે. આ માટે ઓનલાઈન અરજી પ્રક્રિયા શરૂ થઈ ગઈ છે અને અરજી કરવાની છેલ્લી તારીખ 16 જૂન 2025 છે. લાયક અને રસ ધરાવતા ઉમેદવારો ISROની સત્તાવાર વેબસાઈટ isro.gov.in દ્વારા આ ભરતી માટે ઓનલાઈન અરજી કરી શકે છે. આ ભરતી ઝુંબેશ હેઠળ, ISROમાં વૈજ્ઞાનિકોની કુલ 320 જગ્યાઓ ભરવામાં આવશે.
GSTVની એપ્લિકેશન ડાઉનલોડ કરો
ખાલી જગ્યાઓની વિગતો
- વૈજ્ઞાનિક/એન્જિનિયર 'SC' (ઈલેક્ટ્રોનિક્સ): 113 જગ્યાઓ
- વૈજ્ઞાનિક/એન્જિનિયર 'SC' (મિકેનિકલ): 160 જગ્યાઓ
- વૈજ્ઞાનિક/એન્જિનિયર 'SC' (કોમ્પ્યુટર સાયન્સ): 44 જગ્યાઓ
- વૈજ્ઞાનિક/એન્જિનિયર 'SC' (ઈલેક્ટ્રોનિક્સ): PRL: 2 જગ્યાઓ
- વૈજ્ઞાનિક/એન્જિનિયર 'SC' (કોમ્પ્યુટર સાયન્સ) PRL: 1 જગ્યા
શૈક્ષણિક લાયકાત
આ જગ્યાઓ માટે અરજી કરવા માંગતા ઉમેદવારોએ યુનિવર્સિટી દ્વારા નિર્ધારિત કોર્સની નિર્ધારિત અવધિમાં ગ્રેજ્યુએશનની ડિગ્રી પૂર્ણ કરી હોવી જોઈએ. શૈક્ષણિક વર્ષ 2024-25માં તેમનો કોર્સ પૂર્ણ કરવા જઈ રહેલા ઉમેદવારો પણ અરજી કરી શકે છે, તેમની ડિગ્રી 31 ઓગસ્ટ 2025 સુધીમાં ઉપલબ્ધ હોવી જોઈએ અને તેમના કુલ માર્ક્સ 65 ટકા અથવા 6.84 CGPA હોવા જોઈએ.
વય મર્યાદા
ઉમેદવારોની ઉંમર 16 જૂન 2025ના રોજ વધુમાં વધુ 28 વર્ષ હોવી જોઈએ. જોકે, કેન્દ્ર સરકારના કર્મચારીઓ, ભૂતપૂર્વ સૈનિકો અને દિવ્યાંગ વ્યક્તિઓને સરકારી નિયમો મુજબ વય મર્યાદામાં છૂટ આપવામાં આવશે.
અરજી ફી
બધા ઉમેદવારોએ અરજી ફી તરીકે 750 રૂપિયા ચૂકવવા પડશે. લેખિત પરીક્ષામાં હાજર રહ્યા બાદ મહિલાઓ, SC/ST/PwBD અને ભૂતપૂર્વ સૈનિકો કેટેગરીના ઉમેદવારોને પૂરી અરજી ફી પરત કરવામાં આવશે. જ્યારે અન્ય ઉમેદવારોને અરજી ફીમાંથી 500 રૂપિયા પરત કરવામાં આવશે.
પસંદગી પ્રક્રિયા શું છે?
આ ભરતી માટેની પસંદગી પ્રક્રિયામાં લેખિત પરીક્ષાનો સમાવેશ થશે. લેખિત પરીક્ષામાં બે ભાગોમાં MCQ પેપર હશે અને પરીક્ષાનો સમયગાળો 120 મિનિટનો રહેશે. આ લેખિત પરીક્ષામાં પ્રદર્શનના આધારે, ઉમેદવારોને 1:5ના ગુણોત્તરમાં ઇન્ટરવ્યુ માટે શોર્ટલિસ્ટ કરવામાં આવશે.
