Recipe / માત્ર 4 સામગ્રી સાથે તવા પર બનાવી શકો છો Cheese Garlic Bread, રેસ્ટોરન્ટ જેવો જ આવશે સ્વાદ

ગાર્લિક બ્રેડનું નામ સાંભળતા જ, ફક્ત બાળકો જ નહીં પણ મોટા લોકોના મોઢામાં પણ પાણી આવી જાય છે. અત્યાર સુધી તમે બજારમાં મળતી ચીઝ ગાર્લિક બ્રેડ (Cheese Garlic Bread) જ ખાધી હશે. લોકો તેને ભાગ્યે જ ઘરે બનાવે છે. તેનું કારણ માઇક્રોવેવ કે જરૂરી વસ્તુઓનો અભાવ છે. પરંતુ, તમે ઘરે પણ સરળતાથી ક્રિસ્પી ચીઝ ગાર્લિક બ્રેડ (Cheese Garlic Bread) બનાવી શકો છો. ગાર્લિક બ્રેડ સામે આવે કે તરત જ ભૂખ બમણી થઈ જાય છે. ખાસ કરીને જ્યારે તેને પાસ્તા અને સૂપ સાથે પીરસવામાં આવે છે.

GSTVની એપ્લિકેશન ડાઉનલોડ કરો

   

જો તમે ઈચ્છો તો, બજારમાંથી ખરીદવાને બદલે ઘરે જ ચીઝ ગાર્લિક બ્રેડ (Cheese Garlic Bread) બનાવી શકો છો. સામાન્ય રીતે ગાર્લિક બ્રેડ ઓવનમાં બનાવવામાં આવે છે, પરંતુ જેમની પાસે ઓવન નથી તેઓએ નિરાશ થવાની જરૂર નથી. તેઓ તવા પર પણ સ્વાદિષ્ટ ગાર્લિક બ્રેડ સરળતાથી બનાવી શકે છે. 

સામગ્રી

• 4-5 મોટી બ્રેડ
• 5 ચમચી માખણ
• 4 ચમચી ચીઝ
• 2 ચમચી લસણની પેસ્ટ
• જરૂર મુજબ ઓરેગાનો અને ચીલી ફ્લેક્સ
• સ્વાદ મુજબ મીઠું

બનાવવાની રીત

• સૌપ્રથમ એક તવામાં માખણ ગરમ કરો. 
• આ પછી તેમાં લસણની પેસ્ટ, ઓરેગાનોઅને ચીલી ફ્લેક્સ ઉમેરો.
• હવે તેને સારી રીતે મિક્સ કરો અને પછી ગેસ બંધ કરો.
• હવે એક તવા પર થોડું માખણ લગાવો અને તેને ગરમ કરો.
• ગરમ થયા પછી, તેના પર બ્રેડને બંને બાજુથી શેકી લો.
• હવે તેના પર લસણનું મિશ્રણ લગાવો.
• આ પછી, તેના પર થોડું મીઠું, ચીઝ, ઓરેગાનો ઉમેરો.
• હવે ચીઝ ન ઓગળે ત્યાં સુધી તવાને ઢાંકણથી બંધ કરો.
• નિર્ધારિત સમય પછી ઢાંકણ દૂર કરો.
• તમારી ચીઝ ગાર્લિક બ્રેડ (Cheese Garlic Bread) તૈયાર છે.

આ પણ વાંચો :

Recipe : ઘરે જ બનાવો ઢાબા સ્ટાઈલ ચટપટા છોલે, જાણો રસોઇયાની આ 5 ગુપ્ત ટિપ્સ

Recipe : ક્રિસ્પી અને હેલ્ધી Aloo cheela, જાણો બનાવવાની રીત