Last Update :
15 Jun 2025
અમદાવાદમાં મેઘાણીનગર આઈજીપી કંપાઉન્ડમાં આવેલા બી.જે. મેડીકલ કોલેજની હોસ્ટેલ અને મેસ પર એર ઇન્ડિયાનું વિમાન ક્રેશ થવાની ઘટનામાં મૃત્યુ પામનાર મેઘાનું શબ થલતેજ સ્મશાને લાવવામાં આવ્યું છે. અમદાવાદ ઈન્કમટેક્સમાં ડેપ્યુટી કમિશનર તરીકે સેવા આપનાર સુનિલ મહેતા તેમના પત્ની અને પુત્રી મેઘાનું મૃત્યું થયું છે. મૃતક મેઘા વિઝિટર વિઝા ઉપર માતાપિતાને લંડન ફરવા લઈ જઈ રહી હતી. મૃતક મેઘાના અંતિમ સંસ્કારમાં વેજલપુર ભાજપ ધારાસભ્ય અમિત ઠાકર પણ હાજર છે.
GSTVની એપ્લિકેશન ડાઉનલોડ કરો
માતા પિતાના ડીએનએ મેચ થયા નથી
વિમાન દુર્ઘટનામાં ત્રણેયના મૃત્યુ થયા છે. પરંતુ હજુ સુધી માતા પિતાના ડીએનએ મેચ થયા નથી. જ્યારે મેઘાના ડિએનએ મેચ થતાં તેની નાની બહેન રિતુ અંતિમ સંસ્કાર કરી રહી છે. દિલ્હીનો આ પરિવાર વર્ષોથી અમદાવાદમાં સ્થાયી થયો હતો. 4 દિવસ પહેલા જ માતાપિતાની ટિકિટ બુક કરાવી હતી. મેઘા લંડનમાં સ્થાયી થઈ હતી પરંતુ માતા પિતાને વિઝિટર વિઝા પર લંડન ફરવા લઈ જવા આવી હતી.
બંને બહેનો અનમેરિડ હતી
ગોઝારી વિમાન દુર્ઘટનામાંથી અમદાવાદ ઈન્કમટેક્સમાં ડેપ્યુટી કમિશનર તરીકે સેવા આપનાર અને 14 વર્ષ પહેલા નિવૃત્ત થયેલા સુનિલ મહેતા અને તેમના પત્ની વર્ષા મહેતા તથા પુત્રી મેઘા મહેતા પણ ભડથું થઈ ગયા હતા. માતા વર્ષાબેન હાઉસ વાઈફ હતા જ્યારે બંને બહેનો અનમેરિડ હતી. રિતુ મહેતા બહેન મેઘા કરતાં 4 વર્ષ નાની હતી.
અત્યંત મૃદુ સ્વભાવના હતા સુનિલ મહેતા
મળતી માહિતી અનુસાર, સુનિલ મહેતા 14 વર્ષ પહેલા અમદાવાદ ઈન્કમટેક્સમાં ડેપ્યુટી કમિશનર તરીકે નિવૃત્ત થયા હતા. ત્યારબાદ તેમણે ઉત્તર ભારતમાંના તેમના વતનમાં પરત જવાને બદલે અમદાવાદમાં જ સેટલ થઈ જવાનું પસંદ કર્યું હતું. તેમની સાથે જ ડિરેક્ટોરેટ ઓફ ઈન્કમટેક્સ (દરોડા)માં કામ કરતાં અધિકારીઓનું કહેવું છે. સુનિલ મહેતા અત્યંત મૃદુ સ્વભાવના હતા. ડિપાર્ટમેન્ટમાં તેને ક્યારેય કોઈ સાથે સંઘર્ષ થયો હોવાનું જોવા મળ્યું નથી. તેઓ તેમની પત્ની અને એક પુત્ર સાથે લંડન સ્થિત અન્ય પુત્રીને મળવા માટે જઈ રહ્યા હતા. તેમની એક પુત્રી અમદાવાદ આઈઆઈએમ સાથે સંકળાયેલા હોવાનું જાણવા મળી રહ્યું છે.
