Last Update :
18 Jun 2025
ઇઝરાયલ અને ઈરાન વચ્ચેનો સંઘર્ષ છઠ્ઠા દિવસે પણ ચાલુ છે. બંને બાજુથી ભારે બોમ્બમારો થઈ રહ્યો છે. ઇઝરાયલી સંરક્ષણ દળોએ ઈરાનની રિફાઇનરીઓ અને લશ્કરી કમાન્ડ પર હુમલો કરીને તેનો નાશ કર્યો. જ્યારે ઈરાનના રિવોલ્યુશનરી ગાર્ડ્સે બુધવારે દાવો કર્યો હતો કે ઈરાની દળોએ ઈઝરાયલ પરના તાજેતરના હુમલામાં હાઇપરસોનિક ફતાહ-1 મિસાઇલો ચલાવી હતી.અગાઉ, આંતરરાષ્ટ્રીય પરમાણુ ઉર્જા એજન્સી (IAEA) એ પુષ્ટિ આપી છે કે ઇઝરાયલે ઇરાની પરમાણુ સુવિધાને નિશાન બનાવી છે. રાષ્ટ્રપતિ ટ્રમ્પનો દાવો છે કે ઈરાનના હવાઈ ક્ષેત્ર પર અમેરિકાનો સંપૂર્ણ નિયંત્રણ છે. ઈરાનનું કહેવું છે કે તેણે તેલ અવીવમાં એક મુખ્ય ગુપ્તચર કેન્દ્રને નિશાન બનાવ્યું છે, જ્યારે ઇઝરાયલે પુષ્ટિ આપી છે કે નાગરિક અને લશ્કરી લક્ષ્યો પર હુમલા કરવામાં આવ્યા છે. ભારતે ઈરાનમાં ફસાયેલા વિદ્યાર્થીઓને સ્થળાંતરિત કર્યા છે અને ફ્લાઇટ્સને ઈરાની હવાઈ ક્ષેત્રથી ડાયવર્ટ કરવામાં આવી છે.
GSTVની એપ્લિકેશન ડાઉનલોડ કરો
ઈરાન અને ઇઝરાયલ વચ્ચેનો સંઘર્ષ છઠ્ઠા દિવસમાં પ્રવેશી ગયો
ઈરાન અને ઇઝરાયલ વચ્ચેનું યુદ્ધ સમય જતાં વધુ ઉગ્ર બની રહ્યું છે. ઈરાન અને ઇઝરાયલ વચ્ચેનો સંઘર્ષ છઠ્ઠા દિવસમાં પ્રવેશી ગયો છે. હવે માહિતી આવી રહી છે કે ઇઝરાયલ પર તાજેતરના હુમલામાં ઇરાને હાઇપરસોનિક મિસાઇલો છોડી છે. ઈરાનના રિવોલ્યુશનરી ગાર્ડ કોર્પ્સે બુધવારે જણાવ્યું હતું કે ઇઝરાયલ પર તાજેતરના હુમલા દરમિયાન હાઇપરસોનિક મિસાઇલોનો ઉપયોગ કરવામાં આવ્યો હતો.રાજ્ય ટીવી દ્વારા પ્રસારિત કરાયેલા એક નિવેદનમાં, ગાર્ડ્સે દાવો કર્યો હતો કે ઓપરેશન ઓનેસ્ટ પ્રોમિસ 3 ની 11મી લહેર ફત્તાહ-1 મિસાઇલોનો ઉપયોગ કરીને હાથ ધરવામાં આવી હતી. નિવેદનમાં દાવો કરવામાં આવ્યો છે કે ઈરાની દળોએ કબજા હેઠળના વિસ્તારોના આકાશ પર સંપૂર્ણ નિયંત્રણ મેળવી લીધું છે.
ઈરાને ઈઝરાયલના હવાઈ ક્ષેત્ર પર 'સંપૂર્ણ કબજો' હોવાનો દાવો કર્યો
ઈરાની સમાચાર એજન્સીઓ અનુસાર, ઈરાનના રિવોલ્યુશનરી ગાર્ડ્સે તેલ અવીવની આસપાસના વિસ્તારોને ખાલી કરવાની ચેતવણી જારી કરી છે. રિવોલ્યુશનરી ગાર્ડ્સનું કહેવું છે કે ઈરાનની ફતાહ મિસાઈલો ઈઝરાયલના સંરક્ષણ ક્ષેત્રમાં ઘૂસી ગઈ હતી, જેનાથી તેને ઈઝરાયલના હવાઈ ક્ષેત્ર પર 'સંપૂર્ણ નિયંત્રણ' મળ્યું હતું.
આયતુલ્લાહ અલી ખામેનાઈએ કહ્યું યુદ્ધ શરૂં કોઈને પર દયા નહીં દાખવવામાં આવે
ઈરાનના સુપ્રીમ લીડર આયતુલ્લાહ અલી ખામેનાઈએ તેમના ટ્વિટર એકાઉન્ટ પર ઈઝરાયલને ધમકાવતા યુદ્ધનું એલાન કરી દીધું છે. તેમણે કહ્યું કે યહૂદીઓની સરકારને અમે બતાવી દઈશું. તેમના પર કોઈ દયા નહીં બતાવવામાં આવે.
ઈરાને નવા હુમલામાં ઈઝરાયલ પર 30 મિસાઈલ છોડી
ઈરાને ફરી એકવાર ઈઝરાયલ પર નવા હુમલામાં મિસાઈલોનો મારો ચલાવ્યો છે. એક કલાકથી ઓછા સમયમાં, ઈરાનથી ઈઝરાયલ તરફ લગભગ 30 મિસાઈલ છોડવામાં આવી, જેમાં તેલ અવીવ સહિત અનેક વિસ્તારોને નિશાન બનાવવામાં આવ્યા. ઇઝરાયલ ફાયર એન્ડ રેસ્ક્યુ સર્વિસીસ અનુસાર, મિસાઇલ હુમલાને કારણે દરિયાકાંઠાના, દક્ષિણ અને મધ્ય પ્રદેશોમાં ખુલ્લા વિસ્તારોમાં અનેક આગ લાગી હતી. અગાઉ, મધ્ય અને ઉત્તરી ઇઝરાયલમાં ઘણી જગ્યાએ સાયરનના અવાજો સંભળાયા હતા.
