Last Update :
10 Jul 2025
Jaleo-E Mobilityએ તેના Eeva ઇલેક્ટ્રિક સ્કૂટરનું નવું અપડેટેડ વર્ઝન લોન્ચ કર્યું છે. ફેસલિફ્ટ મોડેલ સાથે ઇલેક્ટ્રિક સ્કૂટરનું પ્રદર્શન પહેલા કરતા વધુ સારું બન્યું છે. તેને શહેરો અનુસાર ઉપયોગમાં લેવાતા 3 મોડેલમાં લોન્ચ કરવામાં આવ્યું છે. ખાસ વાત એ છે કે નવી Eeva 2025ની ટોપ સ્પીડ 25 કિમી પ્રતિ કલાક છે અને તે એક જ ચાર્જ પર 120 કિમી સુધીનું અંતર કાપી શકે છે. આ સ્પીડ સાથે સ્કૂટર ચલાવવા માટે ડ્રાઇવિંગ લાયસન્સની જરૂર નહીં રહે અને ન તો તેને RTOમાં રજીસ્ટર કરાવવાની જરૂર પડશે.
GSTVની એપ્લિકેશન ડાઉનલોડ કરો
Eeva ઇલેક્ટ્રિક સ્કૂટરનું ગ્રાઉન્ડ ક્લિયરન્સ 150 મીમી છે, જે ઉબડખાબડ રસ્તાઓ પર સવારી કરવાનું સરળ બનાવે છે. આ સ્કૂટરમાં શક્તિશાળી 60/72V BLDC મોટર છે. એકવાર સંપૂર્ણ ચાર્જ થયા પછી તે 1.5 યુનિટ વીજળી વાપરે છે. આ સ્કૂટરનું વજન 85 કિલો છે અને તે 150 કિલો સુધીનો ભાર વહન કરી શકે છે. આનો અર્થ એ છે કે બે લોકો તેના પર આરામથી મુસાફરી કરી શકે છે.
આ ઇલેક્ટ્રિક સ્કૂટર 120 કિમી સુધીની રેન્જ આપશે
કંપની આ સ્કૂટર લિથિયમ-આયન અને જેલ બેટરી બંને વેરિયન્ટમાં ઓફર કરી રહી છે. લિથિયમ-આયન વેરિયન્ટમાં 60V/30AH મોડેલની કિંમત 64,000 છે, જે 90-100 કિમીની રેન્જ આપે છે, જ્યારે 74V/32AH વર્ઝન અને 69,000ની કિંમતના મોડેલની રેન્જ 120 કિમી છે. જેલ બેટરી વેરિયન્ટમાં 60V/32AH મોડેલની કિંમત 50,000 છે, જે 80 કિમીની રેન્જ આપે છે અને 72V/42AH વર્ઝન 54,000માં આવે છે જે 100 કિમીની રેન્જ આપે છે.
ચાર્જિંગ સમય અને ફીચર્સ
નોંધનીય છે કે સ્કૂટરનો ચાર્જિંગ સમય બેટરી પ્રમાણે બદલાય છે. લિથિયમ-આયન બેટરી ચાર્જ થવામાં લગભગ ચાર કલાક લાગે છે, જ્યારે જેલ બેટરીને સંપૂર્ણ ચાર્જ થવામાં 8 થી 10 કલાક લાગે છે. સ્કૂટરમાં બંને વ્હીલ પર ડ્રમ બ્રેક્સ છે. 12-ઇંચના ટાયર છે. હાઇડ્રોલિક શોક એબ્ઝોર્બર્સ આપવામાં આવ્યા છે. ઇલેક્ટ્રિક સ્કૂટરના ફીચર્સ વિશે વાત કરીએ તો, તેમાં ડિજિટલ ડિસ્પ્લે, ડેટાઇમ રનિંગ લાઇટ્સ, કી-લેસ ડ્રાઇવ, એન્ટી-થેફ્ટ એલાર્મ, પાર્કિંગ ગિયર, યુએસબી ચાર્જિંગ પોર્ટ અને પેસેન્જર ફૂટરેસ્ટ જેવા ઘણા ફીચર્સ છે. સ્કૂટર પહેલાની જેમ બ્લૂ ગ્રે, વ્હાઇટ અને બ્લેકના વિકલ્પોમાં ઉપલબ્ધ છે.
ઇલેક્ટ્રિક સ્કૂટર વોરંટી
સારી વાત એ છે કે કંપની આ સ્કૂટર પર બે વર્ષની વોરંટી અને બધા બેટરી વેરિયન્ટ પર એક વર્ષની વોરંટી આપી રહી છે. કંપની વિશે વાત કરીએ તો ZELIO E મોબિલિટી 2021માં લોન્ચ કરવામાં આવી હતી અને અત્યાર સુધીમાં તેના 2 લાખથી વધુ ગ્રાહકો છે. દેશમાં અત્યાર સુધીમાં તેના 400 ડીલર સ્ટોર્સ છે. કંપની 2025ના અંત સુધીમાં ડીલરશીપની સંખ્યા વધારીને 1,000 કરવા માંગે છે.
