Last Update :
18 Mar 2025
Realme P3 સિરીઝ આ અઠવાડિયે 19 માર્ચે ભારતમાં લોન્ચ થશે. કંપનીએ લોન્ચ પહેલા આ સિરીઝના સ્ટાન્ડર્ડ મોડેલ એટલે કે Realme P3 5Gની કિંમત જાહેર કરી દીધી છે. તેમજ વપરાશકર્તાઓએ તેના અલ્ટ્રા મોડેલની કિંમત માટે વધુ બે દિવસ રાહ જોવી પડશે. આ સિરીઝમાં કંપની ભારતમાં પહેલાથી જ Realme P3X 5G લોન્ચ કરી ચૂકી છે, જેની કિંમત 13,999 રૂપિયાથી શરૂ થાય છે.
GSTVની એપ્લિકેશન ડાઉનલોડ કરો
કંપનીએ Realme P3 5G 16,999 રૂપિયાની શરૂઆતની કિંમતે રજૂ કર્યો છે. આ ફોન ત્રણ સ્ટોરેજ વેરિયન્ટમાં આવે છે - 6GB RAM + 128GB, 8GB RAM + 128GB અને 8GB RAM + 256GB. તેના અન્ય બે વેરિયન્ટની કિંમત અનુક્રમે 17,999 રૂપિયા અને 19,999 રૂપિયા છે. આ ફોનનો પહેલો અર્લી બર્ડ સેલ 19 માર્ચે યોજાશે. ફોનની ખરીદી પર 2,000 રૂપિયાનું ફ્લેટ બેંક ડિસ્કાઉન્ટ ઉપલબ્ધ થશે. આ રીતે આ Realme ફોન 14,999 રૂપિયામાં ઉપલબ્ધ થશે.
Realme P3 5Gના ફીચર્સ
કંપનીએ હજુ સુધી આ ફોનના ઘણા ફીચર્સ જાહેર કર્યા નથી. ઈ-કોમર્સ વેબસાઇટ ફ્લિપકાર્ટ અને કંપનીની સત્તાવાર વેબસાઇટ પર આપવામાં આવેલી ફીચર્સ અનુસાર, તેમાં 2000 નિટ્સ પીક બ્રાઇટનેસ સાથે AMOLED ડિસ્પ્લે હશે, જે 120Hz હાઇ રિફ્રેશ રેટ ફીચર્સને સપોર્ટ કરશે. આ ફોનના ડિસ્પ્લેનો સ્ક્રીન-ટુ-બોડી રેશિયો 92.65 ટકા છે. તે Qualcomm Snapdragon 6 Gen 4 5G ચિપસેટ પર કામ કરશે.
આ Realme ફોનને IP69 રેટિંગ છે, જેના કારણે તમે ફોનને ડૂબાડીને પણ તેનો ઉપયોગ કરી શકો છો. આ સ્માર્ટફોન શક્તિશાળી 6,000mAh બેટરી અને 45W USB ટાઇપ C ચાર્જિંગ ફીચર્સને સપોર્ટ કરે છે. આ ઉપરાંત આ ફોનમાં VC એટલે કે વેપર ચેમ્બર કૂલિંગ સિસ્ટમ આપવામાં આવી છે. આ સ્માર્ટફોન GT બૂસ્ટ ગેમિંગ, AI મોશન કંટ્રોલ અને AI અલ્ટ્રા ટચ જેવી AI આધારિત ફીચર્સને પણ સપોર્ટ કરે છે.
Realme P3ના પાછળના ભાગમાં ડ્યુઅલ કેમેરા સેટઅપ ઉપલબ્ધ હશે. ફોનના કેમેરા ફીચર્સ વિશે કોઈ માહિતી આપવામાં આવી નથી. આ ફોન ઉપરાંત કંપની આ સિરીઝમાં અલ્ટ્રા સ્માર્ટફોન પણ લોન્ચ કરશે. આ Realme ફોન Realme P3 Ultra નામથી આવશે. ફોનના કેમેરામાં તમને મોટો અપગ્રેડ જોવા મળશે. ઉપરાંત તે Curved AMOLED ડિસ્પ્લે સહિત ઘણી પ્રીમિયમ ફીચર્સ સાથે આવશે.
