Last Update :
01 Apr 2025
યુનિફાઈડ પેમેન્ટ્સ ઈન્ટરફેસ એટલે કે UPI ભારતમાં સૌથી વધુ ઉપયોગમાં લેવાતી પેમેન્ટ મેથડ છે અને તે સૌથી મોટી ડિજિટલ પેમેન્ટ સિસ્ટમ બની ગઈ છે. UPI કોઈપણ વ્યક્તિને સરળતાથી પેમેન્ટ કરવા માટે જાણીતું છે. જોકે, તેની મદદથી ઘણા ફ્રોડ કરનારાઓ ફ્રોડ પણ કરી રહ્યા છે. આવી સ્થિતિમાં, નેશનલ પેમેન્ટ્સ કોર્પોરેશન ઓફ ઈન્ડિયા યુઝર્સની સુરક્ષાને ધ્યાનમાં રાખીને સમયાંતરે નવા નિયમો અને અપડેટ્સ જારી કરી રહ્યું છે.
GSTVની એપ્લિકેશન ડાઉનલોડ કરો
નવો UPI નિયમ 1 એપ્રિલથી અમલમાં આવ્યો છે. આવી સ્થિતિમાં, ઘણા UPI યુઝર્સ માટે ટ્રાન્જેક્શન બંધ થઈ શકે છે. ચાલો જાણીએ કે કયા યુઝર્સ UPI પેમેન્ટ નહીં કરી શકે.
આ લોકો UPI પેમેન્ટ નહીં કરી શકે
નવા નિયમ હેઠળ, કેટલાક UPI યુઝર્સ ઓનલાઈન ટ્રાન્જેક્શન નહીં કરી શકે. જે ફોન નંબર લાંબા સમયથી બંધ છે અથવા જે યુઝર્સના મોબાઈલ નંબર એક્ટિવ નથી તેમના માટે UPI પેમેન્ટ બંધ કરવામાં આવ્યા છે. જો બેંક સાથે લિંક નંબર લાંબા સમયથી એક્ટિવ ન હોય તો યુઝર્સ માટે UPIનો ઉપયોગ કરવો શક્ય નહીં બને. જો ઈનએક્ટિવ ફોન નંબર બેંક સાથે લિંક હોય તો બેંકિંગ સેવાઓ પણ પ્રભાવિત થઈ શકે છે.
ડિજિટલ એપ્સથી UPI પેમેન્ટ બંધ થશે
ગૂગલ પે, ફોનપે અને પેટીએમ જેવી ડિજિટલ પેમેન્ટ એપ્સનો ઉપયોગ કરીને ટ્રાન્જેક્શન નહીં થાય. આ માટે, રજિસ્ટર્ડ મોબાઈલ નંબર એક્ટિવ હોવો આવશ્યક છે. ઈનએક્ટિવ નંબરથી પેમેન્ટ નહીં કરી શકાય. ટેલિકોમ વિભાગના નિયમો અનુસાર, જો કોઈ ફોન નંબર 90 દિવસ સુધી ઉપયોગમાં ન લેવામાં આવી રહ્યો હોય તો તેને ડીએક્ટિવેટ કરવામાં આવશે. આવા નંબરને રિસાયકલ અથવા ચર્ન્ડ નંબર કહેવામાં આવે છે.
બેંક ખાતામાં એક્ટિવ નંબર અપડેટ કરાવો
લાખો યુઝર્સ UPI દ્વારા ટ્રાન્જેક્શન કરે છે અને ફ્રોડનું જોખમ પણ રહે છે. તેથી, સરકાર ડિજિટલ પેમેન્ટ સિસ્ટમમાં સુધારો કરવાનો પ્રયાસ કરે છે. ઈનએક્ટિવ ફોન નંબર તમારી બેંકિંગ સેવાઓ પર ખરાબ અસર કરી શકે છે. તેથી, તમારા એક્ટિવ નંબરને તમારા બેંક અકાઉન્ટ સાથે લિંક કરાવવો મહત્ત્વપૂર્ણ છે. UPI પેમેન્ટ માટે પણ એક્ટિવ નંબરનો ઉપયોગ કરો.
