Last Update :
10 Apr 2025
બુધવારે શરૂઆતમાં ભારતીય શેરબજારોમાં ભારે ઘટાડો જોવા મળ્યો હતો. અમેરિકા અને ચીન વચ્ચે વધતા વેપાર તણાવને કારણે રોકાણકારોની ભાવનાઓ પર અસર પડી હતી. 30 શેરો વાળા બીએસઇ સેન્સેક્સ 380 પોઈન્ટ ઘટ્યા જ્યારે નિફ્ટી 50 137 પોઈન્ટ ઘટ્યા. મિડ અને સ્મોલ-કેપ શેરોમાં પણ તીવ્ર ઘટાડો જોવા મળ્યો, જેના કારણે રોકાણકારોની સંપત્તિમાં રૂ. 3 લાખ કરોડનું ધોવાણ થયું હતું.
GSTVની એપ્લિકેશન ડાઉનલોડ કરો
આજે એટલે કે ગુરુવાર (૧૦ એપ્રિલ) ના રોજ ભારતીય શેરબજારોમાં કોઈ ટ્રેડિંગ થશે નહીં. આજે શ્રી મહાવીર જયંતીની રજા હોવાથી બજારો બંધ રહેશે. ૧૧ એપ્રિલથી ટ્રેડિંગ ફરી શરૂ થશે.
દરમિયાન, આજે (૧૦ એપ્રિલ) ૩ કંપનીઓ તેમના માર્ચ ક્વાર્ટરના પરિણામો રજૂ કરશે. આઇટી ક્ષેત્રની દિગ્ગજ કંપની ટાટા કન્સલ્ટન્સી સર્વિસીસ (ટીસીએસ) સહિત ત્રણ કંપનીઓ આજે એટલે કે ગુરુવાર (૧૦ એપ્રિલ) ના રોજ તેમના માર્ચ ક્વાર્ટરના પરિણામો જાહેર કરશે. આનંદ રાઠી અને ઇવોક રેમેડીઝ પણ તેમના પરિણામો જાહેર કરશે.
આગામી સપ્તાહે બજાર બે દિવસ બંધ રહેશે
તમને જણાવી દઈએ કે આજની રજા સિવાય, બજાર આવતા અઠવાડિયે બે દિવસ (૧૪ એપ્રિલ-૧૮ એપ્રિલ) બંધ રહેશે. આ સમયગાળા દરમિયાન સેન્સેક્સ અને નિફ્ટીમાં કોઈ ટ્રેડિંગ થશે નહીં. ખરેખર, સોમવારે (૧૪ એપ્રિલ) આંબેડકર જયંતી નિમિત્તે બજારો બંધ રહેશે. જ્યારે, શુક્રવાર (૧૮ એપ્રિલ) ગુડ ફ્રાઈડે છે અને આ દિવસે પણ બજાર બંધ રહે છે.
આ ઉપરાંત, આગામી મહિનાની પહેલી તારીખ એટલે કે 1 મેના રોજ સેન્સેક્સ અને નિફ્ટીમાં કોઈ ટ્રેડિંગ થશે નહીં અને નાણાકીય બજારો બંધ રહેશે. ૧લી મે એ મહારાષ્ટ્ર દિવસ છે. આ કારણે સમગ્ર મહારાષ્ટ્રમાં સરકારી રજા છે. જ્યારે, બોમ્બે સ્ટોક એક્સચેન્જ (બીએસઇ) મુંબઈમાં સ્થિત છે. તેથી ૧ મે ના રોજ પણ બજાર બંધ રહેશે. આ ગાળા દરમિયાન આનંદ રાઠિ વેલ્થ, ઇવોક રેમેડીઝ, ટાટા કન્સલ્ટન્સી સર્વિસીઝના ચોથા ક્વાર્ટરના પરિણામો આવનાર છે.
