Last Update :
10 Apr 2025
America અને China વચ્ચેના Teriff યુદ્ધે ત્યાંની સ્થાનિક કંપનીઓની ચિંતા વધારી દીધી છે. તેમને ચિંતા છે કે તેમનો માલ ન વેચાય તો.. આવી સ્થિતિમાં, ચીની ઇલેક્ટ્રોનિક ભાગો ઉત્પાદકોએ હવે ભારતીય કંપનીઓને નિશાન બનાવવાનું નક્કી કર્યું છે. આ જ કારણ છે કે તેઓ સસ્તા ભાવે ભારતને માલ વેચવા તૈયાર છે. ચીની કંપનીઓ 5% સુધીનું ડિસ્કાઉન્ટ આપી રહી છે. આના કારણે, ભારતમાં Mobile, fridge અને TV સહિત અન્ય ચાઇનીઝ ઇલેક્ટ્રોનિક વસ્તુઓ(Chinese electronic goods) સસ્તા દરે ઉપલબ્ધ થશે.
GSTVની એપ્લિકેશન ડાઉનલોડ કરો
અમેરિકાના રાષ્ટ્રપતિ ડોનાલ્ડ ટ્રમ્પ દ્વારા ચીન પર Teriff વધારીને 125 ટકા કરવાથી ચીનમાં ગુસ્સો છે. તે જ સમયે, ત્યાંના ઉદ્યોગપતિઓ, ભવિષ્યની સંભાવનાઓને જોતા, તેમના પડોશી દેશોની નજીક આવવા લાગ્યા છે. ભારતમાં ઇલેક્ટ્રોનિક ઉત્પાદનોના(electronic goods) ત્રણ-ચતુર્થાંશ ભાગો ચીનથી આવે છે અને અમેરિકા દ્વારા ચીન પર ભારે ટેરિફ લાદવામાં આવતા, ચીની કંપનીઓના ઓર્ડર અટકી ગયા. આવી સ્થિતિમાં, તેઓ ભારતીય કંપનીઓને સસ્તા દરે ભાગો વેચવાની ઓફર કરી રહ્યા છે. આ પગલાથી ચીની કંપનીઓને નુકસાન થશે, પરંતુ તેનાથી ભારતીય કંપનીઓ અને અહીંના લોકોને ફાયદો થશે.
ચીન પર દબાણ, ભારત માટે તક
ભારતમાં ઇલેક્ટ્રોનિક ઉત્પાદનોના ત્રણ-ચતુર્થાંશ ભાગો ચીનથી આવે છે. અમેરિકાએ ચીન પર કુલ 125 % ટેરિફ લાદ્યો ત્યારથી, ચીની કંપનીઓના ઓર્ડર બંધ થઈ ગયા છે. વૈશ્વિક પુરવઠા શૃંખલામાં વિક્ષેપને કારણે, ચીની ઉત્પાદકોને વધુ પડતા પુરવઠાનો સામનો કરવો પડી રહ્યો છે. આ કારણે ચીની કંપનીઓ દબાણ હેઠળ છે. અમેરિકાથી નિકાસ ઓર્ડરમાં ઘટાડો થવાને કારણે, કિંમતો ફરીથી નક્કી કરવામાં આવશે. આવી સ્થિતિમાં, ચીની કંપનીઓ ભારતને સસ્તા દરે ઇલેક્ટ્રોનિક ભાગો વેચશે. કંપનીઓ દ્વારા આપવામાં આવતા 5% ડિસ્કાઉન્ટને કારણે, ભારતમાં રેફ્રિજરેટર, ટીવી અને સ્માર્ટફોનની કિંમતમાં 2-3%નો ઘટાડો થશે. જેના કારણે ગ્રાહકો આ ઇલેક્ટ્રોનિક વસ્તુઓ સસ્તા ભાવે મેળવી શકશે.
ભારતમાં આત્મનિર્ભરતા પર ભાર વધી રહ્યો છે
GTRI રિપોર્ટ મુજબ, ભારતની ઇલેક્ટ્રોનિક્સ કમ્પોનન્ટ આયાત FY24 માં 36.7% વધીને $34.4 બિલિયન થઈ, જે પાંચ વર્ષમાં 118.2% ની વૃદ્ધિ દર્શાવે છે, પરંતુ હવે ઉત્પાદન-સંલગ્ન પ્રોત્સાહનો (PLI), ગુણવત્તા નિયંત્રણ ઓર્ડર (QCO) અને વધેલી આયાત જકાત સ્થાનિક ઉત્પાદનને વેગ આપી રહી છે. India Cellular and Electronics Association 2030 સુધીમાં કમ્પોનન્ટ મેન્યુફેક્ચરિંગને $145-155 બિલિયન સુધી લઈ જવાનો લક્ષ્ય રાખે છે.
