Last Update :
02 Jul 2025
ડાંગ જિલ્લાના વિવિધ વિસ્તારોમાં છેલ્લા 24 કલાક દરમિયાન સાર્વત્રિક વરસાદ નોંધાયો છે. વરસાદને કારણે જિલ્લાના મુખ્ય નદીઓ પૂર્ણા, ગીરા, ખાપરી અને અંબિકાના જળસ્તરમાં નોંધપાત્ર વધારો થયો છે. જેના કારણે નીચાણવાળા વિસ્તારોમાં પાણી ભરાવાની સ્થિતિ સર્જાઈ શકે છે.
GSTVની એપ્લિકેશન ડાઉનલોડ કરો
પ્રકૃતિ ખીલી ઉઠી
વિશેષ કરીને પર્યટન સ્થળ સાપુતારામાં પણ નોંધપાત્ર વરસાદ પડતાં હવામાન ઠંડુ બન્યું છે અને સૂંદરતામાં વધારો થયો છે. વરસાદને પગલે તંત્રએ નદી કાંઠાના વિસ્તારોમાં રહેતા લોકોને સતર્ક રહેવા માટે સૂચના આપી છે.ડાંગ જિલ્લામાં આવનારા દિવસોમાં પણ વરસાદી માહોલ જળવાઈ રહેવાની શક્યતા હવામાન વિભાગ દ્વારા વ્યક્ત કરવામાં આવી છે.
વિવિધ તાલુકાઓના વરસાદના આંકડા
સુબીર: 3.5 ઇંચ (સૌથી વધુ)
સાપુતારા: 2.80 ઇંચ
આહવા: 1.5 ઇંચ
વઘઇ: 1.25 ઇંચ
