Last Update :
06 May 2025
ગુજરાતની જામનગરની હોસ્પિટલ વિવાદમાં આવી છે. મળતા અહેવાલ પ્રમાણે જામનગરની જી.જી. હોસ્પિટલ ફરી એકવાર ચર્ચામાં આવી છે. આ વખતે એજન્સી દ્વારા કોન્ટ્રાક્ટ પર ફરજ બજાવતા એક મહિલા કર્મચારી અને અન્ય એક કર્મચારી વચ્ચે મારકૂટની ઘટના સામે આવી છે. સીસીટીવી ફૂટેજમાં આ ઘટના કેદ થઈ છે, જેમાં મહિલા કર્મચારી બેભાન થઈ ગઈ હતી.
GSTVની એપ્લિકેશન ડાઉનલોડ કરો
અનેક વખત ફરિયાદો કરી છે, પરંતુ કોઈ જવાબ મળતા નથી
બેભાન થયેલી મહિલા કર્મચારી જયાબેન રાઠોડે જણાવ્યું હતું કે, "મેં અનેક વખત ફરિયાદો કરી છે, પરંતુ કોઈ જવાબ મળતા નથી. એજન્સીના કર્મચારીઓ નશાની હાલતમાં આવીને અત્યાચાર કરે છે." હોસ્પિટલના સુપ્રિટેન્ડન્ટ ડૉ. દીપક તિવારીના જણાવ્યા અનુસાર, "આ ઘટના ગંભીર છે અને તંત્ર દ્વારા યોગ્ય કાર્યવાહી કરવામાં આવશે.
