છોટાઉદેપુરમાં ભાજપે જિલ્લા પ્રમુખ બનાવવા નિયમો મૂક્યા કોરાણે, ફોર્મ ભરેલા 60 ઉમેદવારોની આશા ઠગારી નિવડી

બે દિવસ અગાઉ ભાજપ દ્વારા સંગઠનમાં બદલાવ કરવામાં આવ્યો હતો. જિલ્લા અને શહેરોમાં પ્રમુખની પસંદગી કરીને નામ જાહેર કરવામાં આવ્યાં હતાં. જોકે, જિલ્લા પ્રમુખ બનવા માટે ભાજપ દ્વારા અગાઉ નિયમો બનાવવામાં આવ્યાં હતાં. જેના આધારે પ્રમુખની જાહેરાત થવાની વાત કરવામાં આવી હતી. પરંતુ, છોટાઉદેપુર જિલ્લા પ્રમુખ બનાવવા માટે ભાજપે જ પોતાના નિયમો કોરાણે મૂક્યા હોવાનું સામે આવ્યું છે.

GSTVની એપ્લિકેશન ડાઉનલોડ કરો

   

નિયમોનું ગાણું ફ્લોપ

છોટાઉદેપુર જિલ્લા ભાજપ પ્રમુખ તરીકે ઉમેશભાઈ રાયસીંગભાઇ રાઠવાની વરણી કરવામાં આવી છે. છોટાઉદેપુર જિલ્લા ભાજપ પ્રમુખની વરણીમાં ભાજપે બનાવેલા નિયમો તોડયા હતા.છોટાઉદેપુર જિલ્લા ભાજપ પ્રમુખ હાલ જિલ્લા પંચાયત સદસ્ય પાવીજેતપુર બેઠક ઉપર છે. ભાજપે એક વ્યક્તિ એક હોદ્દાના નિયમનું ગાણું ગાયુ હતુ. ત્યારે છોટાઉદેપુર જિલ્લા ભાજપ પ્રમુખ એક વ્યક્તિ બે હોદ્દા પર હોવાનું સામે આવ્યું છે.

આ પણ વાંચો :

'આ તુઘલક લેન નહીં પરંતુ સ્વામી વિવેકાનંદ માર્ગ', ભાજપ રાજ્યસભા સાંસદે બદલ્યું રસ્તાનું નામ

VIDEO/ ભાજપ સરકારના નાક નીચે ચાલી રહ્યો હતો નકલી સરકારી વિભાગ: નોકરીના નામે યુવાનો પાસેથી 2 કરોડની કરી વસૂલી 

અરમાન ધોવાયા
 
છોટાઉદેપુર જિલ્લા ભાજપ પ્રમુખ બનવા માટે 60થી વધુ ઉમેદવારોએ ફોર્મ ભર્યા હતાં. તમામ ઉમેદવારો રેસમાં હતાં. ઘણાના નામ તો નિયમો પૂર્ણ કરતાં હોવાથી ચર્ચામાં પણ હતાં. જો કે, તેઓની આશા ઠગારી નિવડી છે. ભાજપ મોવડીમંડળે નિયમોનું પાલન ન કરતા અનેક લોકોના અરમાન ધોવાયા છે.

આ પણ વાંચો :

'ગુજરાત કોંગ્રેસના કેટલાક લોકો ભાજપ માટે કામ કરે છે, 20-30 લોકોને બહાર કાઢવા પડે તો કાઢી મુકો'- રાહુલ ગાંધી