Last Update :
18 May 2025
Patan news: પાટણ જિલ્લા સહિત સમગ્ર રાજ્યમાં ગેરકાયદેસર રહેતા બાંગ્લાદેશીઓ વિરુદ્ધ ઝૂંબેલ ચલાવી રહી છે ત્યારે સિદ્ધપુર તાલુકાના દેથળીમાં બાંગ્લાદેશી પતિ અને પતિનીની એલસીબીએ ધરપકડ કરી છે. આ દંપતી વર્ષ-2010થી ભારતમાં ગેરકાયદેસર ઘૂસણખોરી કરીને મુંબઈમાં ગયા હતા અને ત્યારબાદ અમદાવાદ અને છેલ્લે સિદ્ધપુરના દેથળી ગામે છ મહિનાથી રહેતા હોવાનો તપાસમાં ખુલાસો થયો છે.
GSTVની એપ્લિકેશન ડાઉનલોડ કરો
મળતી માહિતી અનુસાર, હાલ રાજ્યમાં સરકાર અને તંત્ર ગેરકાયદેસર રહેતા બાંગ્લાદેશીઓ અને પાકિસ્તાનીઓ સામે રીતસરની સ્પેશિયલ ઝૂંબેશ ચલાવી રહી છે. આ દરમ્યાન એલસીબીને મળેતી ખાનગી બાતમીના આધારે સિદ્ધપુર તાલુકાના દેથળી ગામેથી એક બાંગ્લાદેશી દંપતીને ઝડપી પાડી તેઓની સામે કાયદેસરની કાર્યવાહી હાથ ધરી છે. આ બાંગ્લાદેશી
પતિ-પત્નીની ધરપકડ બાદ પૂછપરછમાં ચોંકાવનારો ખુલાસો થયો હતો કે તેઓ દેથળી ગામે છ મહિનાથી રહેતા હતા. આ બાંગ્લાદેશી પતિ-પત્ની વર્ષ-2010માં ગેરકાયદેસર રીતે ઘુસી આવીને મુંબઈ ભાગી ગયા હતા. ત્યારબાદ આ દંપતી ત્યાંથી ગુજરાતમાં પ્રવેશીને અમદાવાદ અને છેલ્લે સિદ્ધપુરના દેથળી ગામે રહેતું હતું. જો કે, આ દંપતીના બાંગ્લાદેશમાં છૂટાછેડા પણ થઈ ચુક્યા છે. પરંતુ વર્ષ-2020માં મહિલાએ મુંબઈમાં ફરીથી લગ્ન કર્યા હતા. એલસીબીની તપાસમાં આ દંપતી પાસેથી કોઈપણ ભારતીય દસ્તાવેજ નહોતું મળ્યું. હાલ તો આ દંપતીને પૂછપરછ બાદ બાંગ્લાદેશ ડિપોર્ટ કરવાની તૈયારી ચાલી રહી છે.
