વડોદરા: ઇલોરાપાર્કમાં આવેલા ફ્લેટમાં બીજા માળે આગ લાગી, દિવ્યાંગ વૃદ્ધનું મોત 

વડોદરાના ઇલોરાપાર્ક વિસ્તારમાં આવેલા એક મકાનમાં આગ લાગી હતી. આગમાં એક દિવ્યાંગ વૃદ્ધનું મોત થયું હોવાનું સામે આવ્યું છે.  

પ્રાપ્ત માહિતી પ્રમાણે વડોદરા શહેરના ઇલોરાપાર્ક વિસ્તારમાં આવેલા MIG આવાસના ફ્લેટ્સમાં બીજા માળે એક મકાનમાં અચાનક આગ લાગી હતી. આ બનાવ અંગે ફાયર બ્રિગેડને જાણ કરવામાં આવતા તાત્કાલિક ઘટના સ્થળે દોડી આવ્યા હતા, અને આગ પર કાબુ મેળવ્યો હતો. જોકે, ઘરમાંથી એક દિવ્યાંગ વૃદ્ધનો મૃતદેહ મળી આવ્યો હતો.