Last Update :
04 Feb 2025
ફેબ્રુઆરીનો મહિનો ચાલી રહ્યો છે અને ફેબ્રુઆરી મહિનો પ્રેમમાં રહેલા લોકો માટે ખાસ મહિનો છે. પ્રેમીઓના જીવનનો સૌથી ખાસ દિવસ એટલે કે વેલેન્ટાઈન ડે પણ ફેબ્રુઆરી મહિનામાં આવે છે. 14 ફેબ્રુઆરીના રોજ સમગ્ર વિશ્વમાં વેલેન્ટાઈન ડે ઉજવવામાં આવે છે. આ દિવસે પ્રેમીઓ એકબીજા સાથે સમય વિતાવે છે. ઘણા લોકો એકબીજાને પોતાનો પ્રેમ વ્યક્ત કરે છે.
GSTVની એપ્લિકેશન ડાઉનલોડ કરો
ઘણા તો લગ્ન માટે પ્રપોઝ પણ કરે છે. ભારતના મધ્યમ વર્ગના પરિવારોમાં પ્રેમ હજુ પણ એક જટિલ વિષય છે. આ અંગે ખુલ્લેઆમ ચર્ચા નથી થતી અને ન તો તેને વધારે મહત્ત્વ આપવામાં આવે છે. તેથી પ્રેમમાં પડેલા લોકો ઘણીવાર ઘરથી દૂર એકબીજાને મળે છે. ઘણી વખત આ સ્થળોએ કેટલાક લોકો પ્રેમીઓને બિનજરૂરી રીતે હેરાન કરે છે. જો કોઈ તમને તકલીફ આપે તો તમે અહીં મદદ માંગી શકો છો.
વેલેન્ટાઈન ડે પર તકલીફ આપે છે, તો અહીં ફરિયાદ કરો
ભારતના બંધારણે તમામ નાગરિકોને સ્વતંત્રતાનો અધિકાર આપ્યો છે. જો કોઈ કપલ વેલેન્ટાઈન ડે પર પોતાની મરજીથી ક્યાંક બેઠું હોય, જો કોઈ વાત કરી રહ્યું હોય તો કોઈને પણ તેમને ખલેલ પહોંચાડવાનો અધિકાર નથી. કોઈપણ સંગઠન કે કોઈપણ વ્યક્તિ તેમને ક્યાંય બેસતા રોકી શકે નહીં. તેમ જ તે તેમને ત્યાંથી ઉઠીને જવા માટે દબાણ નથી કરી શકતા. જો કોઈ આવું કરે છે તો તમે તે વ્યક્તિ કે તે સંસ્થા વિરુદ્ધ પોલીસમાં ફરિયાદ કરી શકો છો. પોલીસ આવા લોકો સામે કાર્યવાહી કરશે.
જો પોલીસ તમને જવા માટે કહે તો શું?
જો પોલીસ તમને આવી જગ્યાએથી દૂર જવાનું કહે. તો પણ તમારે દૂર ન જવું જોઈએ. પોલીસને પણ કોઈ પણ કપલને ક્યાંય બેસતા અટકાવવાનો અધિકાર નથી. તમે પાર્કમાં બેઠા હોવ. અને કોઈ અશ્લીલ કૃત્ય નથી કરી રહ્યા, તો તમને ત્યાંથી જવાનું પણ ન કહી શકાય. આવા કિસ્સામાં, તમે તે પોલીસકર્મી વિશે ઉચ્ચ અધિકારીઓને ફરિયાદ કરી શકો છો.
આ વાતો ધ્યાનમાં રાખો
જ્યારે તમે વેલેન્ટાઈન ડે પર તમારા પાર્ટનર સાથે ક્યાંક બહાર જાઓ છો, ત્યારે સલામત સ્થળ પસંદ કરો. જો શક્ય હોય તો, એવી જગ્યા પસંદ કરો જ્યાં ઘણા બધા લોકો હોય. આવી સ્થિતિમાં કોઈ તમને ખલેલ નહીં પહોંચાડી શકે. તમે કાફે અથવા રેસ્ટોરન્ટમાં જઈ શકો છો. અથવા તમે મૂવી જોવા જઈ શકો છો.
