Last Update :
13 Apr 2025
Murshidabad Violence : બંગાળના મુસ્લિમ બહુમતીવાળા Murshidabad જિલ્લામાં વક્ફ સુધારા કાયદા(Waqf Amendment Act) વિરુદ્ધ વિરોધ પ્રદર્શન દરમિયાન હિંસા ફાટી નીકળ્યા બાદ પરિસ્થિતિ હજુ પણ તણાવપૂર્ણ છે. હિંસાગ્રસ્ત વિસ્તારોમાં શાંતિ પુનઃસ્થાપિત કરવાના વહીવટીતંત્રના પ્રયાસો વચ્ચે, રવિવારે સવારે જિલ્લાના ધુલિયાં વિસ્તારમાં બદમાશો દ્વારા ગોળીબાર કરવામાં આવ્યો હોવાના અહેવાલો મળ્યા હતા.
GSTVની એપ્લિકેશન ડાઉનલોડ કરો
કહેવામાં આવી રહ્યું છે કે BSF ટીમને નિશાન બનાવીને ગોળીબાર કરવામાં આવ્યો હતો. આમાં બે બાળકો ઘાયલ થયા હોવાના અહેવાલ છે. અન્ય હિંસાગ્રસ્ત વિસ્તારોમાંથી(Violence-affected areas) કોઈ અનિચ્છનીય ઘટનાના અહેવાલ નથી.
જિલ્લા વહીવટીતંત્ર આજે તમામ સંગઠનો સાથે શાંતિ બેઠક કરશે
અહીં, કોલકાતા હાઈકોર્ટના આદેશ પર, શનિવાર રાતથી જિલ્લાના ઘણા હિંસાગ્રસ્ત અને સંવેદનશીલ વિસ્તારોમાં કેન્દ્રીય દળો તૈનાત કરવામાં આવ્યા છે. તેમણે આખી રાત સુતી અને શમશેરગંજ પોલીસ સ્ટેશન વિસ્તારોમાં પેટ્રોલિંગ કર્યું. પોલીસ ગામડાઓની મુલાકાત પણ લઈ રહી છે.
હિંસાના સંબંધમાં અત્યાર સુધીમાં મુર્શિદાબાદ જિલ્લાના વિવિધ ભાગોમાંથી 150 લોકોની ધરપકડ કરવામાં આવી છે. જિલ્લા વહીવટીતંત્ર આજે સુતીમાં તમામ સંગઠનો સાથે શાંતિ બેઠકનું પણ આયોજન કરશે. રાજ્યના પોલીસ મહાનિર્દેશક (DGP) રાજીવ કુમાર પણ શનિવાર રાતથી મુર્શિદાબાદના હિંસાગ્રસ્ત વિસ્તારોના પ્રવાસ પર છે.
શાંતિ પુનઃસ્થાપિત કરવા માટે, ડીજીપી જિલ્લાના પોલીસ અધિકારીઓ સાથે સતત બેઠકો કરી રહ્યા છે. તેમણે પોતે કેટલાક હિંસાગ્રસ્ત વિસ્તારોની મુલાકાત લીધી અને પરિસ્થિતિનો તાગ મેળવ્યો. શનિવારે તેમણે કડક સંદેશ આપતા કહ્યું કે કોઈપણ પ્રકારની હિંસા અને ગુંડાગીરી સહન કરવામાં આવશે નહીં. કોઈ પણ વ્યક્તિએ રસ્તા પર આવીને કાયદો પોતાના હાથમાં લેવો જોઈએ નહીં.
મંદિરોમાં પણ તોડફોડ કરવામાં આવી
BSF સાઉથ બંગાળ ફ્રન્ટિયર ઇન્સ્પેક્ટર જનરલ (આઈજી) કરણી સિંહ શેખાવત પણ હિંસાગ્રસ્ત મુર્શિદાબાદની મુલાકાતે છે. તેમણે હિંસાગ્રસ્ત વિસ્તારોમાં BSFની તૈનાતીનો અભ્યાસ કર્યો. દરમિયાન, રાજ્ય ભાજપ પ્રમુખ સુકાંત મજુમદારે દાવો કર્યો છે કે બદમાશો દ્વારા હિન્દુઓના ડઝનબંધ ઘરો અને દુકાનો સાથે, બે મંદિરોમાં પણ તોડફોડ કરવામાં આવી હતી.
મુર્શિદાબાદ હિંસામાં ત્રણ લોકોએ જીવ ગુમાવ્યા છે મુસ્લિમ બહુમતી ધરાવતા મુર્શિદાબાદ(Murshidabad Violence) જિલ્લામાં વક્ફ સુધારા કાયદા વિરુદ્ધ શુક્રવારની નમાજ પછી થયેલા વિરોધ પ્રદર્શન દરમિયાન થયેલી હિંસામાં ત્રણ લોકોના મોત થયા હોવાનું જાણવા મળે છે. 15 પોલીસકર્મીઓ સહિત 17 લોકો ઘાયલ પણ થયા છે. કલકત્તા હાઈકોર્ટે શનિવારે મુર્શિદાબાદના હિંસાગ્રસ્ત વિસ્તારોમાં કેન્દ્રીય દળો તૈનાત કરવાનો નિર્દેશ આપ્યો હતો.
પોલીસ સૂત્રોના જણાવ્યા અનુસાર, શુક્રવારે, શમશેરગંજ પોલીસ સ્ટેશન વિસ્તાર હેઠળના જાફરાબાદમાં, બદમાશોએ 72 વર્ષીય એક વૃદ્ધ અને તેના 40 વર્ષીય પુત્રને તેમના ઘરમાંથી ખેંચી લીધા હતા અને તીક્ષ્ણ છરીથી તેમની નિર્દયતાથી હત્યા કરી હતી. તોફાનીઓએ ઘરમાં પણ તોડફોડ કરી. મૃતકોની ઓળખ હરગોવિંદ દાસ (72) અને પુત્ર ચંદન દાસ (40) તરીકે થઈ છે.
તેમના શરીરના ઘણા ભાગો પર ઈજાના નિશાન હતા. આ ઉપરાંત, શુક્રવારે સાંજે સુતીના સાજુ ક્રોસિંગ પર થયેલી હિંસા દરમિયાન પોલીસ ગોળીબારમાં ઘાયલ થયેલા 17 વર્ષના છોકરાનું શનિવારે મુર્શિદાબાદ મેડિકલ કોલેજ હોસ્પિટલમાં સારવાર દરમિયાન મૃત્યુ થયું હતું. આ ઉપરાંત શુક્રવારે ધુલિયાં વિસ્તારમાં થયેલી હિંસા દરમિયાન ગોળી વાગવાથી એક વ્યક્તિ ગંભીર રીતે ઘાયલ થયો હતો.
મુર્શિદાબાદનો હિંસા સાથે જૂનો સંબંધ છે
મુસ્લિમ બહુમતી ધરાવતો મુર્શિદાબાદ જિલ્લો(Murshidabad Violence) બાંગ્લાદેશની સરહદને અડીને આવેલો છે. જિલ્લામાં મુસ્લિમ વસ્તી લગભગ 70 ટકા છે. આ બંગાળમાં સૌથી વધુ મુસ્લિમ વસ્તી ધરાવતો જિલ્લો છે. મુર્શિદાબાદમાં પહેલા પણ હિંસા થઈ ચૂકી છે. અગાઉ પણ CAA વિરુદ્ધ મુર્શિદાબાદમાં હિંસા થઈ હતી. મુર્શિદાબાદમાંથી આતંકવાદીઓની પણ ધરપકડ કરવામાં આવી છે.
