Last Update :
18 May 2025
IPL 2025ની 60મી લીગ મેચમાં દિલ્હી કેપિટલ્સ (DC) અને ગુજરાત ટાઈટન્સ (GT) વચ્ચે મુકાબલો થશે, જેમાં બંને ટીમો વચ્ચેની આ મેચ દિલ્હીના અરુણ જેટલી સ્ટેડિયમમાં રમાશે. DCની ટીમે આ સિઝનમાં અત્યાર સુધી સારું પ્રદર્શન કર્યું છે, પરંતુ પ્લેઓફમાં પોતાનું સ્થાન સુરક્ષિત કરવા માટે, તેણે બાકીની ત્રણ મેચોમાં ઘણું સારું પ્રદર્શન કરવું પડશે. આ મેચમાં, ફરી એકવાર બધાની નજર DCની ટીમના કેએલ રાહુલ પર રહેશે, જેણે આ સિઝનમાં અત્યાર સુધી બેટથી ખૂબ જ સારું પ્રદર્શન કર્યું છે. રાહુલ પાસે આ મેચમાં વિરાટ કોહલીનો મોટો રેકોર્ડ તોડવાની પણ સારી તક છે.
GSTVની એપ્લિકેશન ડાઉનલોડ કરો
કોહલીનો આ રેકોર્ડ તોડવાથી રાહુલ 33 રન દૂર છે
કેએલ રાહુલે IPL 2025માં 10 મેચમાં 47.63ની એવરેજથી 381 રન બનાવ્યા છે, જેમાં તેણે ત્રણ અડધી સદી ફટકારી છે. આ દરમિયાન તેની સ્ટ્રાઈક રેટ પણ 142.16 રહી છે. જો GT સામેની મેચમાં કેએલ રાહુલ વધુ 33 રન બનાવે છે, તો તે તેની T20 કારકિર્દીમાં 8000 રનનો આંકડો પૂર્ણ કરશે. જો રાહુલ આમ કરશે, તો તે સૌથી ઓછી ઈનિંગ્સમાં આ આંકડો હાંસલ કરનાર ભારતીય ખેલાડી બનશે અને વિરાટ કોહલીનો રેકોર્ડ તોડી નાખશે.
કોહલીએ 243 ઈનિંગ્સમાં પોતાની T20 કારકિર્દીમાં 8000 રનનો આંકડો પૂર્ણ કર્યો હતો. T20 ક્રિકેટમાં સૌથી ઓછી ઈનિંગ્સમાં 8000 રન પૂરા કરવાનો રેકોર્ડ ક્રિસ ગેઈલના નામે છે, જેણે ફક્ત 213 ઈનિંગ્સમાં આ આંકડો પાર કર્યો હતો.
કેએલ રાહુલની અત્યાર સુધીનું T20 કરિયર
જો આપણે કેએલ રાહુલના T20 ક્રિકેટમાં અત્યાર સુધીના કરિયરની વાત કરીએ તો, તેણે 236 મેચની 223 ઈનિંગ્સમાં બેટિંગ કરતી વખતે 42.15ની એવરેજથી કુલ 7967 રન બનાવ્યા છે. આ સમયગાળા દરમિયાન, તેના બેટમાંથી 6 સદી અને 68 અડધી સદીની ઈનિંગ્સ પણ જોવા મળી છે. T20માં રાહુલની સ્ટ્રાઈક રેટ 136.14 છે.
