Last Update :
24 Jun 2025
કેએલ રાહુલ અને રિષભ પંતની સદીના આધારે, ભારતે હેડિંગ્લી ખાતે ઈંગ્લેન્ડ સામે રમાઈ રહેલી પ્રથમ ટેસ્ટ મેચમાં પોતાની પકડ મજબૂત બનાવી છે. ટીમ ઈન્ડિયાએ ઈંગ્લેન્ડ સામે 371 રનનો ટાર્ગેટ રાખ્યો છે, જેના જવાબમાં યજમાન ટીમે સોમવારે ચોથા દિવસના અંત સુધી એક પણ વિકેટ ગુમાવ્યા વિના 21 રન બનાવી લીધા છે. હાલમાં તેઓ ટાર્ગેટથી 350 રન પાછળ છે.
GSTVની એપ્લિકેશન ડાઉનલોડ કરો
ભારતે બીજી ઈનિંગમાં 364 રન બનાવ્યા હતા. પ્રથમ ઈનિંગમાં તેની પાસે છ રનની લીડ હતી, જેના આધારે તેણે ઈંગ્લેન્ડને 371 રનનો ટાર્ગેટ આપ્યો હતો. રાહુલના 137 રન અને પંતના 118 રન ભારતને આ સ્થાન પર લઈ ગયા. ચોથી વિકેટ માટે બંને વચ્ચે 195 રનની પાર્ટનરશિપ થઈ હતી. આનાથી ઈંગ્લેન્ડ મુશ્કેલીમાં મુકાયું. આ પાર્ટનરશિપ તૂટતાની સાથે જ ટીમ ઈન્ડિયા નબળી પડવા લાગી અને પરિણામ એ આવ્યું કે મહેમાન ટીમ, જે એક સમયે સરળતાથી 400 રન પાર કરતી દેખાતી હતી, તે પહેલા જ સમેટાઈ ગઈ.
પંત અને રાહુલે કમાન સંભાળી
ભારતે દિવસની શરૂઆત બે વિકેટના નુકસાન પર 90 રનથી કરી. કેપ્ટન શુભમન ગિલ 6 અને રાહુલ 47 રન સાથે મેદાનમાં ઉતર્યા હતા. ગિલ અને રાહુલ બંને પાસેથી મોટી ઈનિંગ્સની અપેક્ષા હતી. રાહુલ આમાં સફળ રહ્યો, જ્યારે ગિલ ફ્લોપ રહ્યો. બાયડર્ન કાર્સે ગિલની ઈનિંગનો અંત લાવ્યો. ગિલ ફક્ત 8 રન બનાવી શક્યો અને 92 રનના સ્કોર ટીમ ઈન્ડિયાની ત્રીજી વિકેટ પડી. તેના પછી આવેલા પંતે રાહુલને સારો સપોર્ટ આપ્યો. કેપ્ટન ગયા પછી, બંનેને વિકેટ પર સ્થિર થવાની અને લાંબી ઈનિંગ્સ રમવાની જરૂર હતી.
રાહુલ આ કામમાં નિષ્ણાત છે. જ્યારે પંતે પણ પરિસ્થિતિ અનુસાર પોતાને બદલ્યો અને પહેલા સેશનમાં કોઈ જોખમ ન લીધું. તે પોતાની તોફાની શૈલીને પાછળ રાખીને આરામથી બેટિંગ કરી રહ્યો હતો. પંતે ઘણા હિટિંગ બોલ પણ ડિફેન્ડ કર્યા. અડધી સદી પૂરી કર્યા પછી, પંત થોડો આક્રમક બન્યો અને કેટલાક લાંબા શોટ ફટકાર્યા. આ લેફટી બેટ્સમેન સદીની નજીક પહોંચતાની સાથે જ આરામથી રમવા લાગ્યો. પંતે આખરે સદી પૂરી કરી અને ઈંગ્લેન્ડમાં ટેસ્ટ મેચની બંને ઈનિંગ્સમાં સદી ફટકારનાર પ્રથમ ભારતીય વિકેટકીપર બન્યો. સદી પછી, પંતે હાથ ખોલ્યા અને આઉટ થઈ ગયો. શોએબ બશીરે તેને આઉટ કર્યો.
રાહુલે પણ દેખાડ્યું ફોર્મ
પંતે જે રીતે બેટિંગ કરી તે જોઈને રાહુલને પોતાની રમત રમવાનો સમય મળ્યો. પહેલી ઈનિંગમાં રાહુલ અડધી સદીની નજીક આવ્યા પછી આઉટ થઈ ગયો હતો. બીજી ઈનિંગમાં આવું ન બન્યું. તેણે આરામથી બેટિંગ ચાલુ રાખી અને પહેલા અડધી સદી પૂરી કરી. બીજા સેશનમાં, તેણે સદી પણ ફટકારી જે ઈંગ્લેન્ડમાં તેની ત્રીજી સદી છેહતી. રાહુલની ઈનિંગ 137 રન પર સમાપ્ત થઈ. રાહુલે ઓફ સ્ટમ્પની બહાર કાર્સ દ્વારા ફેંકવામાં આવેલા શોર્ટ બોલ પર કટ રમ્યો અને પછી બોલ તેના બેટની ઈનસાઈડ એજને લઈને સ્ટમ્પ પર વાગ્યો.
રાહુલના ગયા પછી, ભારતને પતનમાં વધુ સમય લાગ્યો નહીં. કરુણ નાયર ફરીથી તકનો લાભ ન લઈ શક્યો. ક્રિસ વોક્સે તેના જ બોલ પર તેને કેચ આઉટ કર્યો. નાયર 20 રન બનાવ્યા હતા. ત્યારબાદ જોશ ટંગે 91મી ઓવરમાં ભારતની ત્રણ વિકેટ લીધી અને ટીમને બેકફૂટ પર ધકેલી દીધી. ટંગે પહેલા શાર્દુલ ઠાકુરને આઉટ કર્યો જે ફક્ત 4 રન બનાવી શક્યો હતો. બીજા બોલ પર, તેણે મોહમ્મદ સિરાજને પવેલિયનનો રસ્તો બતાવ્યો.
ટંગ હેટ્રિક પર હતો જેને બુમરાહે પૂર્ણ ન કરવા દીધી. જોકે, બીજા બોલ પર જ બુમરાહ પણ ખાતું ખોલ્યા વિના આઉટ થઈ ગયો હતો. જાડેજાએ પ્રસિદ્ધ કૃષ્ણા સાથે વધુ 15 રન ઉમેર્યા જેમાં બધા રન જાડેજાએ બનાવ્યા હતા. બશીરના બોલ પર મોટો શોટ રમવાનો પ્રયાસ કરતી વખતે કૃષ્ણા આઉટ થયો અને ટીમ ઈન્ડિયા ઓલઆઉટ થઈ ગઈ. ઈંગ્લેન્ડ માટે કાર્સ અને ટંગે ત્રણ-ત્રણ વિકેટ લીધી. બશીરને બે સફળતા મળી. વોક્સ અને સ્ટોક્સને એક-એક સફળતા મળી.
ઈંગ્લેન્ડની બેટિંગ
છેલ્લા અડધા કલાક માટે ઈંગ્લેન્ડની ટીમ બેટિંગ કરવા ઉતરી અને તેના બેટ્સમેને કે તે આક્રમક રીતે રમશે. બેન ડકેટ અને જેક ક્રોલીએ ભારતીય બોલરો સામે આક્રમક બેટિંગ કરી. ડકેટે રવિન્દ્ર જાડેજાને પણ સ્વીપ શોટ માર્યા, જે મુશ્કેલ સમયમાં હિંમતની વાત હતી. ક્રોલી 12 રન બનાવીને પાછો ફર્યો જ્યારે ડકેટ 9 રન બનાવીને અણનમ રહ્યો હતો.
