Last Update :
13 Jul 2025
વરસાદની ઋતુ પોતાની સાથે અનેક સ્વાસ્થ્ય સમસ્યાઓ લઈને આવે છે. ખાસ કરીને જ્યારે ખાવા-પીવાની વાત આવે છે, ત્યારે આ ઋતુમાં ઘણી બધી શાકભાજી હોય છે, જેના સેવનથી ચેપનું જોખમ અનેકગણું વધી જાય છે. જેના કારણે ત્વચાના રોગો અને પેટની સમસ્યાઓ સહિત ડઝનબંધ રોગો શરીરમાં પ્રવેશ કરે છે.
GSTVની એપ્લિકેશન ડાઉનલોડ કરો
આયુર્વેદ ડોક્ટરના અનુસાર, વરસાદની ઋતુમાં અમુક શાકભાજી ખાવાનું ટાળવું જોઈએ. આમાં મશરૂમ, કેપ્સિકમ, ફણસ, બ્રોકોલી, રીંગણ અને લીલા પાંદડાવાળા શાકભાજીનો સમાવેશ થાય છે. વરસાદી જંતુઓ અને આંખોને અદૃશ્ય બેક્ટેરિયા પાંદડાવાળા શાકભાજીમાં પોતાનું ઘર બનાવે છે. આવી સ્થિતિમાં તેના સેવનથી સ્વાસ્થ્ય સંબંધિત સમસ્યાઓ થઈ શકે છે.
આયુર્વેદચાર્યના મતે, મશરૂમ ભલે ભેજવાળા વાતાવરણમાં ઉગે છે, પરંતુ વરસાદની ઋતુમાં તેમાં હાનિકારક બેક્ટેરિયા અને ઝેરી પદાર્થો પ્રવેશવાની શક્યતા વધી જાય છે. આવી સ્થિતિમાં તેના સેવનથી પેટની સમસ્યાઓ અને ચેપના જોખમના ઘણા કિસ્સાઓ સામે આવ્યા છે. આ સાથે ચામડીના રોગો, ઉલટી અને ઝાડા જેવી સમસ્યાઓ પણ જોવા મળી છે.
રીંગણમાં આલ્કલોઇડ જેવા રસાયણો જોવા મળે છે, તેથી વરસાદની ઋતુમાં રીંગણ ખાવાનું ટાળવું જોઈએ. વરસાદની ઋતુમાં રીંગણમાં રહેલા જંતુઓને કારણે એલર્જીની શક્યતા પણ ઘણી વધી જાય છે, જેના કારણે ત્વચાના રોગો સહિત પાચન સંબંધિત ઘણી સમસ્યાઓ થઈ શકે છે.
વરસાદની ઋતુમાં ફૂલકોબી અને બ્રોકોલી જેવી શાકભાજીનું સેવન ન કરવું જોઈએ. વાસ્તવમાં, આ ઋતુમાં આ શાકભાજીમાં નાના સફેદ જંતુઓ દેખાવા લાગે છે, જેને દૂર કરવા ખૂબ મુશ્કેલ હોય છે. આવી સ્થિતિમાં તેનું સેવન કરવાથી તમને પેટમાં દુખાવો, ગેસ અને ઝાડા જેવી સમસ્યાઓ થઈ શકે છે.
નોંધ: આ સમાચાર માત્ર તમને જાગૃત કરવાના હેતુથી લખવામાં આવ્યા છે. વધુ જાણકારી માટે ડોક્ટરની સલાહ જરૂર લેવી.
