Last Update :
06 Apr 2025
જે લોકો મુસાફરીના શોખીન હોય છે તેઓ દર એક કે બે મહિને પ્રવાસ પર જાય છે. આવી સ્થિતિમાં, તેઓ વિકએન્ડ પર અથવા જ્યારે તેમને 3થી 4 દિવસની રજા મળે ત્યારે ક્યાંક જવાની યોજના બનાવે છે. આવી સ્થિતિમાં, મુસાફરી દરમિયાન, તે સ્થળની મુલાકાત લેવા અને ત્યાં રહેવા જેવી તમામ બાબતો ધ્યાનમાં લેવામાં આવે છે. જેમાં ટ્રેન, હોટેલ કે ફ્લાઇટના બુકિંગની ચર્ચા પહેલા કરવામાં આવે છે.
GSTVની એપ્લિકેશન ડાઉનલોડ કરો
આજકાલ, મોટાભાગની હોટલો અને અન્ય વસ્તુઓ ઓનલાઈન બુક કરવામાં આવે છે. પરંતુ પહેલાના સમયમાં, સ્થળ પર પહોંચ્યા પછી, વ્યક્તિની પસંદગી મુજબ હોટેલ જોઈને બુકિંગ કરવામાં આવતું હતું. આ બંનેના પોતાના અલગ અલગ ફાયદા છે. ચાલો તમને આ બંનેના ફાયદા અને નુકસાન જણાવીએ.
પ્રી બુકિંગ
પ્રી-બુકિંગનો અર્થ એ છે કે તમે હોટેલ વેબસાઈટ, ટ્રાવેલ એજન્સી અથવા અન્ય બુકિંગ પ્લેટફોર્મની મદદથી અગાઉથી રૂમ બુક કરો છો. આવી સ્થિતિમાં, તમે તે જગ્યાએ પહોંચો તે પહેલાં જ તમારા માટે રૂમ બુક થઈ જાય છે. જ્યારે તમે મુસાફરી પૂર્ણ કર્યા પછી ત્યાં પહોંચો છો, ત્યારે તમે તમારા બુક કરેલા રૂમમાં જઈ શકો છો અને આરામ કરી શકો છો. ત્યાં પહોંચ્યા પછી, તમારે રૂમ શોધવા માટે વધુ મહેનત કરવાની જરૂર નથી.
જ્યારે તમે હોટેલ પ્રી-બુક કરો છો, ત્યારે તમે હોટેલના રૂમ પર વધુ સારી છૂટ મેળવી શકો છો. આજકાલ ઘણી બધી એવી સાઇટ્સ છે જેમાં તમે કિંમતોની તુલના કરી શકો છો અને તમારા બજેટમાં બેસ્ટ રૂમ પસંદ કરી શકો છો. અહીં તમને મોંઘી અને ઓછી બજેટવાળી હોટલ અને રૂમ બંને વિશે જાણવા મળશે.
પ્રી-બુકિંગમાં, તમને વધુ વિકલ્પો મળી શકે છે, જેમ કે તમે રૂમનો પ્રકાર, હોટેલનું સ્થાન અને અન્ય બાબતોને ધ્યાનમાં રાખીને બુકિંગ કરી શકો છો. તમે તમારી જરૂરિયાત મુજબ રૂમ પસંદ કરી શકો છો. ઘણી હોટલ અને બુકિંગ સાઈટ્સ પ્રી-બુકિંગ પર ખાસ ઓફર્સ અથવા ડિસ્કાઉન્ટ પણ આપે છે, જે પૈસા બચાવવામાં મદદરૂપ થઈ શકે છે.
જ્યાં એક વસ્તુના ઘણા ફાયદા છે, ત્યાં તેના કેટલાક નુકસાન પણ છે. ઓનલાઈન હોટેલ બુકિંગ દરમિયાન, જો હોટેલમાં કોઈ ટેકનિકલ સમસ્યા આવે અથવા બુકિંગમાં કોઈ સમસ્યા આવે તો તમને મુશ્કેલીનો સામનો કરવો પડી શકે છે. આ ઉપરાંત, ઘણીવાર સ્કેમનું જોખમ પણ રહેલું છે. જો યોજનામાં કોઈ ફેરફાર થાય છે, તો તમને રિફંડ મેળવવામાં સમસ્યાનો સામનો કરવો પડી શકે છે.
હોટેલમાં પહોંચીને રૂમ બુક કરાવવો
હોટેલ પહોંચીને રૂમ બુક કરવવાનો અર્થ એ છે કે તમારે મુસાફરી પૂર્ણ કરીને હોટલ શોધવી પડે છે અને તેમાં રૂમ બુક કરાવો પડે છે. આનો એક ફાયદો એ છે કે ત્યાં પહોંચ્યા પછી, તમે તમારી સુવિધા અને જરૂરિયાત મુજબ ઈચ્છિત રૂમ બુક કરાવી શકો છો. ક્યારેક, પ્રી-બુકિંગ કર્યા પછી પણ ટેકનીકલ ખામીને કરને રૂમ નથી મળતો, પરંતુ જો તમે હોટેલમાં જઈને રૂમ બુક કરાવો છો, ખાસ કરીને ઓફ-સીઝન દરમિયાન જ્યારે વધારે ભીડ ન હોય, તો તમને છેલ્લી ઘડીએ રૂમ મળી શકે છે. આ ઉપરાંત, જો તમારી યોજનામાં કોઈ ફેરફાર થાય તો પણ તમારે રિફંડની ચિંતા કરવાની જરૂર નથી.
હોટલ પર પહોંચ્યા પછી રૂમ બુક કરાવવાના ઘણા ગેરફાયદા હોઈ શકે છે જેમ કે જરૂરી નથી કે તમને મનગમતો રૂમ મળે, ખાસ કરીને જો હોટેલમાં ભીડ હોય અને ખાસ કરીને તે સ્થળની મુલાકાત લેવાનો તે પરફેક્ટ સમય હોય, તો આવા સમય દરમિયાન ત્યાં ઘણી ભીડ હોય છે અને આ સમય દરમિયાન હોટેલના રૂમ પહેલાથી જ બુક હોઈ શકે. આવી સ્થિતિમાં, તમને રૂમ મેળવવામાં મુશ્કેલીનો સામનો કરવો પડી શકે છે. જ્યારે તમે હોટેલ પહોંચીને રૂમ બુક કરો છો, ત્યારે તમારે પ્રી-બુકિંગ કરતાં વધુ કિંમત ચૂકવવી પડી શકે છે, ખાસ કરીને જ્યારે હોટેલમાં મર્યાદિત રૂમ હોય.
પ્રી-બુકિંગ કરતી વખતે આ બાબતો ધ્યાનમાં રાખો
પ્રી-બુકિંગ અને હોટેલ પહોંચ્યા પછી રૂમ બુક કરવવાના બંનેના પોતાના ફાયદા અને નુકસાન છે. જો તમે મુસાફરી દરમિયાન હોટલને લઈને કોઈ ટેન્શન ન રાખવા માંગતા હોવ, તો તમે પ્રી-બુકિંગ કરાવી શકો છો. તમે આ વિશે ઘણી બધી ઓનલાઈન વેબસાઈટ્સ પરથી માહિતી મેળવી શકો છો. આવી સ્થિતિમાં, મુસાફરી પછી, તમે સીધા હોટેલ જઈ શકો છો, બુક કરેલો રૂમ મેળવી શકો છો અને આરામ કરી શકો છો. પરંતુ જો તમને ખાતરી ન હોય કે તમે કઈ જગ્યાએ જવા માંગો છો અને ક્યાં રહેવા માંગો છો, તો તે જગ્યાએ પહોંચ્યા પછી જ રૂમ બુક કરાવવો તમારા માટે વધુ સારું રહેશે.
ઓનલાઈન રૂમ બુક કરાવતી વખતે, હોટેલનું સ્થાન, સુવિધાઓ, રેટિંગ, કન્ફર્મેશન ઈમેલ, ઓફર્સ અને ડિસ્કાઉન્ટ, પ્રાઈવેસી, રૂમ કેન્સલ કર્યા પછી રિફંડ વગેરે તપાસવાનું ભૂલશો નહીં. આ ઉપરાંત, વિવિધ સાઈટ્સ પર હોટલ વિશે માહિતી મેળવો અને કિંમતોની તુલના કરો અને તમારી સુવિધા મુજબ રૂમ પસંદ કરો.
