Last Update :
13 Apr 2025
BJP AIADMK Alliance: તમિલનાડુમાં ભાજપ અને AIADMK વચ્ચે ગઠબંધનની જાહેરાત થતાં જ દક્ષિણ ભારતના રાજકારણમાં હડકંપ મચ્યો છે. દક્ષિણ ભારતમાં થયેલા આ ગઠબંધનની અસર છેક દિલ્હી સુધી સ્પષ્ટપણે જોવા મળશે. AIADMK એ ભાજપ સાથે હાથ મિલાવ્યા બાદ રાજ્યસભામાં(Rajya Sabha) શાસક પક્ષે નામાંકિત સભ્યોના સમર્થન વિના જ પૂર્ણ-શક્તિવાળા ગૃહમાં બહુમતી સુનિશ્ચિત કરી છે. જો કે, શાસક પક્ષ પાસે ગઠબંધન પહેલાંથી જ બહુમત છે.
GSTVની એપ્લિકેશન ડાઉનલોડ કરો
રાજ્યસભામાં NDAના 119 સભ્યો છે. સ્વતંત્ર સાંસદ કાર્તિકેય શર્મા પણ એનડીએને સમર્થન આપે છે. આ ગઠબંધન પહેલાં જ વક્ફ સંશોધન બિલને(Waqf Amendment Bill) મંજૂરી મળી હતી. જેમાં AIADMK ના સાંસદોએ વિરોધમાં મત આપ્યો હતો.
શું છે નવા સમીકરણ?
હવે, NDAમાં AIADMK ના ચાર સાંસદોના સમર્થનથી, ભાજપના નેતૃત્વ હેઠળના ગઠબંધનની સંખ્યા વધીને 123 થશે. તેથી, જ્યારે ઉપલા ગૃહમાં 245 ની પૂર્ણ સંખ્યાબળ પ્રાપ્ત થશે, ત્યારે પણ શાસક ગઠબંધન બહુમતી ધરાવશે. વધુમાં, NDA ને છ નામાંકિત સભ્યોના સમર્થનની પણ જરૂર છે, તેથી અસરકારક સંખ્યા 125 છે. બધા છ ભાજપ દ્વારા નામાંકિત કરવામાં આવ્યા હતા અને નામાંકિત સભ્યો સામાન્ય રીતે તે પક્ષને જ સમર્થન આપે છે જે તેમને ગૃહમાં મોકલે છે.
ચાર સભ્યોની કરાશે નિમણૂક
AIDMK એ ભાજપ સાથે ગઠબંધન કરતાં હવે એનડીએ પાસે કુલ 129 સાંસદો સમર્થનમાં છે. સરકારે ખાલી પડેલી ચાર સાંસદોની જગ્યા ભરવા નામાંકન આપ્યા છે, આ પ્રક્રિયા પૂર્ણ થયા બાદ એનડીએના સમર્થનમાં 134 કે તેથી વધુ સાંસદો ઉભા થશે. સદનમાં નવ સાંસદોની જગ્યા ખાલી છે. જેમની નિમણૂક કેન્દ્ર સરકાર કરશે. જેમાં ચાર જમ્મુ-કાશ્મીરમાંથી, એક આંધ્રપ્રદેશમાંથી સાંસદ બનાવાશે.
રાજ્યસભામાં ભાજપ પાસે બે નિમણૂક કરેલા સાંસદો સહિત કુલ 98 સભ્યો છે. NDA હેઠળ JDUમાં ચાર, NCPમાં ત્રણ, TDPમાં બે, શિવસેના, એજીપી, પીએમકે, RLD, આરએલએમ, તમિલ મનિલા કોંગ્રેસ, એનપીપી, જેડી(એસ), આરપીઆઈ (અઠાવલે), યુપીપીએલ અને એમએનએફના એક-એક સભ્ય છે.
