Last Update :
10 Jun 2025
જે વ્યક્તિ મૃત્યુને નજીકથી સ્પર્શ કર્યા પછી પાછો આવે છે તેને વાસ્તવિક યોદ્ધા કહેવામાં આવે છે. ક્રિકેટની દુનિયામાં ઘણા એવા ખેલાડીઓ જોવા મળ્યા છે, જેમણે ગંભીર અકસ્માત કે ઈજા પછી આવી વાપસી કરી, પછી તેમની વાર્તા જીવંત ઉદાહરણ બની ગઈ. આવી જ એક વાર્તા વેસ્ટ ઈન્ડિઝના ભૂતપૂર્વ વિકેટકીપર બેટ્સમેન નિકોલસ પૂરન (Nicholas Pooran) ની હતી, જેણે સોમવારે રાત્રે 29 વર્ષની ઉંમરે આંતરરાષ્ટ્રીય ક્રિકેટમાંથી નિવૃત્તિ લઈ લીધી છે.
GSTVની એપ્લિકેશન ડાઉનલોડ કરો
પૂરન (Nicholas Pooran) ને ક્રિકેટના સૌથી ટૂંકા ફોર્મેટમાં શ્રેષ્ઠ બેટ્સમેનોમાંથી એક માનવામાં આવે છે, પરંતુ મેદાન પર છગ્ગા અને ચોગ્ગા મારનારા પૂરનના જીવનમાં પણ ઉતાર-ચઢાવ આવ્યા છે.
ફક્ત 19 વર્ષની ઉંમરે તેનો એક ભયંકર અકસ્માત થયો હતો, જેના પછી એવું લાગતું હતું કે તેની કારકિર્દી સમાપ્ત થઈ ગઈ છે, પરંતુ તેણે હિંમત ન હારી અને પોતાની મહેનતથી તેણે માત્ર મૃત્યુને જ ન હરાવ્યું, પરંતુ ક્રિકેટના મેદાનમાં પાછા ફરીને અશક્યને પણ શક્ય બનાવ્યું.
નિકોલસ પૂરનનો 10 વર્ષ પહેલા થયો હતો અકસ્માત
જાન્યુઆરી 2015માં, જ્યારે નિકોલસ પૂરન (Nicholas Pooran) 19 વર્ષનો હતો, ત્યારે તેનો ત્રિનિદાદના સેન્ટ મેરીમાં એક ભયંકર અકસ્માત થયો હતો, જેમાં તે ગંભીર રીતે ઘાયલ થયો હતો. આ અકસ્માત પછી, તેને ઘૂંટણ અને પગની ઘૂંટીમાં ગંભીર ઈજાઓ થઈ હતી, જેના માટે તેને ઘણી સર્જરીઓ કરાવવી પડી હતી.
એક સમય એવો હતો જ્યારે ડોક્ટર્સે પણ આશા ગુમાવી દીધી હતી અને તેના ફરીથી ક્રિકેટ રમવાની શક્યતા પર શંકા કરી હતી. પૂરનને લાંબા સમય સુધી વ્હીલચેર પર રહેવું પડ્યું હતું અને ફરીથી ચાલવા માટે મહિનાઓ સુધી સખત રિહેબિલિટેશનમાંથી પસાર થવું પડ્યું હતું.
પરંતુ તેની સખત મહેનત અને ક્યારેય ન હારવાની વિચારસરણીએ બધી મુશ્કેલીઓ દૂર કરી અને તે માત્ર મેદાન પર જ પાછો ન ફર્યો, પરંતુ તે વિશ્વના સૌથી વિસ્ફોટક બેટ્સમેનોમાંનો એક પણ સાબિત થયો.
અકસ્માતે તેને એક સારો વ્યક્તિ બનાવ્યો
વેસ્ટ ઈન્ડિઝના ભૂતપૂર્વ T20I કેપ્ટન પૂરન (Nicholas Pooran) એ અગાઉ તેના અકસ્માત વિશે કહ્યું હતું કે તે તેના જીવનના સૌથી મુશ્કેલ 6 મહિના હતા, પરંતુ આ સમયગાળાએ તેને એક સારો વ્યક્તિ બનાવ્યો.
તેણે કહ્યું હતું કે, "જે ધીરજથી મેં સફળતા મેળવી, તે જ ધીરજથી મેં નિષ્ફળતાઓને પણ સ્વીકારવાનું શીખી લીધું. મેં જીવનમાં કંઈપણ હળવાશથી ન લેવાનું શીખ્યું. આ અનુભવે મને મારી ગર્લફ્રેન્ડ (જેની સાથે તેણે પાછળથી લગ્ન કર્યા) ને વધુ મહત્ત્વ આપવાનું શીખવ્યું. મેં થોડી વધુ પ્રાર્થના કરવાનું શરૂ કર્યું, થોડો વધુ વિશ્વાસ કરવાનું શરૂ કર્યું, દરરોજ આ પરિસ્થિતિમાંથી બહાર નીકળવા માટે શક્તિ માંગવાનું શરૂ કર્યું."
પૂરનની વાર્તા યુવાનો માટે પ્રેરણા સ્ત્રોત બની
આ પછી, પૂરને રિહેબ કર્યું અને ક્રિકેટના મેદાનમાં શાનદાર વાપસી કરીને બધાનું દિલ જીતી લીધું. એક સમયે એવું લાગતું હતું કે તે ક્યારેય પોતાના પગ પર ન ઊભો નહીં થઈ શકે, પરંતુ પૂરને સાબિત કર્યું કે જો હિંમત હોય તો બધું શક્ય છે. તેની વાર્તા આજે ઘણા યુવાનો માટે પ્રેરણા સ્ત્રોત બની છે. તેતેની વાપસી ફક્ત રમત માટે નથી, પરંતુ તે આપણને જીવનમાં ક્યારેય હાર ન માનવાનું શીખવે છે.
પૂરનની પત્ની કોણ છે?
નિકોલસ પૂરનની પત્નીનું નામ મિગુએલ કેથરિન (Miguel Kathrina) છે, જે તેની બાળપણની મિત્ર છે. બંને પ્રથમ વખત તેમના શાળાના દિવસોમાં મળ્યા હતા અને તે જ સમયે એકબીજાના પ્રેમમાં પડ્યા હતા. 6 વર્ષ સુધી એકબીજાને ડેટ કર્યા પછી, તેઓએ 2020માં સગાઈ કરી અને પછીના વર્ષે જ લગ્ન કરી લીધા.
