Last Update :
28 May 2025
ઓડિશાના રાઉરકેલામાં નક્સલીઓએ ફરી એકવાર સુરક્ષા વ્યવસ્થાને પડકાર ફેંક્યો છે. નક્સલીઓએ વિસ્ફોટકો ભરેલી ટ્રક લૂંટી લીધી છે. નક્સલીઓએ દોઢ ટન વિસ્ફોટકો ભરેલી ટ્રક લૂંટી લેતા ઝારખંડ અને ઓડિશા પોલીસ એલર્ટ પર છે.
GSTVની એપ્લિકેશન ડાઉનલોડ કરો
ઝારખંડ અને ઓડિશા પોલીસ સંપૂર્ણ સતર્ક
વિસ્ફોટકો ભરેલી આ ટ્રક રાઉરકેલાના કેબલંગ પોલીસ સ્ટેશન વિસ્તાર થઈને બાંકો પથ્થર ખાણ તરફ જઈ રહી હતી. સૂત્રોના જણાવ્યા અનુસાર, નક્સલીઓએ ટ્રકને રોકીને ડ્રાઇવરને બંધક બનાવી લીધો. નક્સલીઓ ડ્રાઈવર સહિત ટ્રકને બળજબરીથી સારંડાના ગાઢ જંગલ તરફ લઈ ગયા. આ ઘટના બાદ ઝારખંડ અને ઓડિશા પોલીસ સંપૂર્ણ સતર્ક છે.
ઘણા મોટા નક્સલી કમાન્ડરો માર્યા ગયા
જણાવી દઈએ કે ભારતના ઘણા રાજ્યોમાં નક્સલવાદ એક ગંભીર પડકાર છે. આમાં ખાસ કરીને છત્તીસગઢ, ઝારખંડ, ઓડિશા અને મહારાષ્ટ્રના કેટલાક ભાગોનો સમાવેશ થાય છે. મોદી સરકારે પણ માર્ચ 2026 સુધી નક્સલ મુક્ત ભારતનું લક્ષ્ય રાખ્યું છે. સુરક્ષા દળોએ નક્સલીઓ સામે ઘણી સફળ કાર્યવાહી હાથ ધરી છે, જેમાં ઘણા મોટા નક્સલી કમાન્ડરો માર્યા ગયા છે અથવા આત્મસમર્પણ કર્યું છે.
સુરક્ષા દળો માટે નક્સલીઓ એક મોટો પડકાર
હાલમાં જ 21 મે 2025ના રોજ છત્તીસગઢના નારાયણપુર જિલ્લામાં એક મોટી એન્કાઉન્ટરની ઘટનામાં નક્સલી સંગઠન સીપીઆઈ (માઓવાદી) ના મહાસચિવ નમ્બાલા કેશવ રાવ ઉર્ફે બસવરાજ કે જેના માથા પર કુલ 10 કરોડ રૂપિયાનું ઈનામ હતું. તે મરાયો હતો. જોકે, માડવી હિડમા જેવા ઘણા અન્ય ખતરનાક નક્સલવાદીઓ હજુ પણ ફરાર છે અને સુરક્ષા દળો માટે નક્સલીઓ એક મોટો પડકાર છે.
નક્સલવાદીઓ સામે સુરક્ષા દળોની કાર્યવાહી
2025 માં છત્તીસગઢમાં નક્સલવાદીઓ સામે ઘણા મોટા ઓપરેશન હાથ ધરવામાં આવ્યા હતા. 21 મે 2025 ના રોજ નારાયણપુરમાં થયેલા એન્કાઉન્ટરમાં, 27 નક્સલવાદીઓ માર્યા ગયા હતા. બીજાપુર અને કાંકેરમાં 113 નક્સલવાદીઓ માર્યા ગયા હતા. 104ની ધરપકડ કરવામાં આવી હતી અને 164 નક્સલીઓએ આત્મસમર્પણ કર્યું હતું.
ઝારખંડમાં વર્ષ ૨૦૨૧થી ૨૦૨૫ સુધીમાં ૧૪૯૦ નક્સલીઓની ધરપકડ કરવામાં આવી છે. સારંડાના જંગલોમાં નક્સલીઓ સામે એક ખાસ ઓપરેશન ચાલી રહ્યું છે. આ ઓપરેશનનો હેતુ વર્ષ ૨૦૨૬ સુધીમાં નક્સલવાદને સંપૂર્ણપણે નાબૂદ કરવાનો છે. મે ૨૦૨૫માં મહારાષ્ટ્રના ગઢચિરોલીમાં ૫ નક્સલીઓની ધરપકડ કરવામાં આવી હતી, જેમના માથા પર કુલ ૩૬ લાખ રૂપિયાનું ઈનામ હતું.
માધવી હિડમા એક અગ્રણી નક્સલી કમાન્ડર છે, જેના પર ૪૫ લાખ રૂપિયાથી ૧ કરોડ રૂપિયાનું ઈનામ જાહેર કરવામાં આવ્યું છે. આ ઉપરાંત ઝારખંડમાં અસીમ મંડલ, પતિરામ માંઝી અને મિસીર બેસરા જેવા નક્સલીઓ પર ૧ કરોડ રૂપિયાનું ઈનામ છે, જ્યારે સુજાતા અને અન્ય કમાન્ડરો પર ૨૫ લાખ રૂપિયાથી ૨ લાખ રૂપિયા સુધીના ઈનામ છે. સુરક્ષા દળોએ નક્સલવાદ સામેની કાર્યવાહી વધુ તીવ્ર બનાવી છે, અને ૨૦૨૬ સુધીમાં નક્સલવાદને નાબૂદ કરવાનો લક્ષ્યાંક નક્કી કરવામાં આવ્યો છે.
